ഞങ്ങളുടെ ദേശത്തിന്,
അത് ദൈവവചനത്തിനോട് അടുത്ത് നിൽക്കുകയാണ്,
മേഘങ്ങൾ അതിനു മച്ച്.
ഞങ്ങളുടെ ദേശത്തിന്,
നാമവിശേഷണങ്ങളിൽ നിന്നുമേറെ വിദൂരമായ ഒന്ന്‌,
അഭാവത്തിന്‍റെ ഭൂപടമാണത്.
ഞങ്ങളുടെ ദേശത്തിന്,
എള്ളിൻ വിത്തു പോലെ ചെറുതായത്
സ്വർഗ്ഗീയമാം ഒരു ചക്രവാളം,
മറഞ്ഞിരിക്കുന്ന ഒരു പിളർപ്പ്.
ഞങ്ങളുടെ ദേശത്തിന്,
കാട്ടുകോഴിയുടെ ചിറകുപോലെ ദരിദ്രമാണത്,
വിശുദ്ധ ഗ്രന്ഥങ്ങളും വ്രണിതമായ സ്വത്വവും.
ഞങ്ങളുടെ ദേശത്തിന്,
ജീർണമായ കുന്നുകളാൽ ചുറ്റപ്പെട്ടതാണത്,
പുതിയ ഭൂതകാലത്തിന്‍റെ ഒളിയാക്രമണം.
ഞങ്ങളുടെ ദേശത്തിന്,
യുദ്ധത്തിന്‍റെ സമ്മാനമാണത്,
തീവ്രമായാശിച്ചും ജ്വലിച്ചും
മരിക്കാനുള്ള സ്വാതന്ത്ര്യം.
രക്തരൂഷിതമായ ഈ രാവിൽ ദൂരവിദൂരങ്ങളിലുള്ളവർക്ക്
ഞങ്ങളുടെ ദേശം തിളങ്ങുന്ന,
പുറത്തേക്ക് വെളിച്ചം പകരുന്ന
ഒരു രത്നം പോലിരിക്കുന്നു.
ഞങ്ങളാവട്ടെ, ഉള്ളിൽ ഞെരിഞ്ഞ്
ശ്വാസം മുട്ടിക്കൊണ്ടിരിക്കുന്നു.
PHOTO CREDIT : OMER FARUK
Affiliate Disclosure: Some of the links or advertisements in the wordket website are affiliate links or advertisements, meaning, at no additional cost to you. We will earn a commission, if you click through and make a purchase. Thank you 🙂
