ആറാട്ടുപുഴ വേലായുധപ്പണിക്കരുടെ ജീവിതം വെള്ളിത്തിരയിൽ എത്തിച്ച വിനയന്‍റെ ചിത്രം പത്തൊമ്പതാം നൂറ്റാണ്ട് ആമസോൺ പ്രൈമിലൂടെ ഒ.ടി.ടി. റിലീസ് ചെയ്തിരിക്കയാണ്. വിനയൻ തന്നെ സംവിധാനവും തിരക്കഥയും ചെയ്ത പത്തൊമ്പതാം നൂറ്റാണ്ട് കുറവുകൾ നിലനിൽക്കേ തന്നെ
ശ്രദ്ധേയമായ ഒരു സിനിമ തന്നെയാണ്. ദുർബലമായ അതിന്‍റെ തിരക്കഥയോ ചരിത്രപരമായ കൃത്യത ഇല്ലായ്മയോ സിനിമയുടെ പ്രാധാന്യത്തെ കുറയ്ക്കുന്നില്ല.

കേരള നവോത്ഥാനത്തിൽ അമൂല്യമായ പങ്ക് വഹിക്കുകയും പിന്നീട് ചരിത്രകാരന്മാർ വിസ്മരിക്കുകയും ചെയ്ത ഒരാളാണ് ആറാട്ടുപുഴ വേലായുധപ്പണിക്കർ. അച്ചിപുടവ സമരം, മൂക്കുത്തി സമരം തുടങ്ങി ചരിത്രപരവും സ്ത്രീമുന്നേറ്റത്തിന് ഊന്നൽ കൊടുത്തതുമായ ഒട്ടേറെ സമരങ്ങൾക്ക് നേതൃത്വം കൊടുത്ത വേലായുധപ്പണിക്കർ മേലാള വർഗ്ഗത്തിന്‍റെ അടിച്ചമർത്തലുകളുടെ രക്ത സാക്ഷിയുമാണ്. കുടുംബപരമായി ലഭിച്ച സമ്പത്ത് കൊണ്ട് ‘പ്രിവിലേജ്ഡ് ‘ ആയ ഒരാൾ ആയിരുന്നിട്ടും താൻ ഉൾപ്പെടുന്ന അധഃസ്ഥിത വർഗത്തിന്‍റെ ഉന്നമനം ലക്ഷ്യമാക്കി പ്രവർത്തിച്ച ആ മഹദ് വ്യക്തിയുടെ ചരിത്രം പി.എസ്‌.സി വിദ്യാർത്ഥികൾ മാർക്ക് ലഭിക്കാൻ വേണ്ടി മാത്രമാണ് വായിച്ചറിഞ്ഞിരുന്നത്. ആ വിസ്‌മൃത ചരിത്രം പറഞ്ഞ സിനിമ എന്നതാണ് ‘പത്തൊമ്പതാം നൂറ്റാണ്ടിന്‍റെ’ ആദ്യത്തെ പ്രത്യേകത. അതോടൊപ്പം തന്നെ മറ്റൊരു ചരിത്രനായികയും മേലാള വർഗ്ഗത്തിന്‍റെ അടിച്ചമർത്തൽ നയങ്ങളുടെ രക്ത സാക്ഷിയുമായ നങ്ങേലിയുടെ ജീവിതവും സിനിമ പറയുന്നുണ്ട്. അധഃകൃതരായവരുടെ ശരീരത്തിലെ അവയവങ്ങൾക്ക് മേലെ പോലും കരം ചുമത്തിയിരുന്ന കെട്ട കാലത്തിൽ, അധികാരി വർഗ്ഗത്തിന് നേരെ സ്വന്തം മാറിടം ചെത്തി എറിഞ്ഞ നങ്ങേലിയുടെ സമാനതകളില്ലാത്ത വിപ്ലവാത്മക ജീവത്യാഗത്തോടെയാണ് സിനിമ തീരുന്നതും.

ഭ്രാന്താലയം എന്ന് വിവേകാനന്ദൻ വിശേഷിപ്പിച്ച കേരളത്തിന്‍റെ അന്നത്തെ ശോചനീയമായ സാമൂഹിക അവസ്ഥ വളരെ വ്യക്തമായി സിനിമ ചിത്രീകരിക്കുന്നുണ്ട്. തൊട്ട്ക്കൂടായ്മ, തീണ്ടിക്കൂടായ്മ തുടങ്ങി അസംഖ്യം അനാചാരങ്ങൾ നിലനിന്നിരുന്ന അന്നത്തെ കേരളത്തെ സിനിമയിലൂടെ കാണുമ്പോഴാണ് നവോത്ഥാനം കേരളത്തിനു നൽകിയ സംഭാവന എന്തെന്ന് നാം തിരിച്ചറിയുന്നത്. പുതിയ വെല്ലുവിളികളിലൂടെ മുന്നേറുന്ന നമ്മുടെ രാഷ്ട്രീയ പരിതസ്ഥിതിയിൽ കൃത്യമായ ഒരു ഓർമ്മപ്പെടുത്തൽ കൂടിയാണ് സിനിമ.

നായകന്‍റെ റോളിൽ സിജു വിൽസൺ സാമാന്യം നല്ല പ്രകടനം കാഴ്ച്ച വച്ചിട്ടുണ്ട്. സിനിമറ്റോഗ്രാഫിയും യുദ്ധരംഗങ്ങളുടെ ചിത്രീകരണവും പ്രശംസ അർഹിക്കുന്നു.


PHOTO CREDIT : SREE GOKULAM MOVIES

 

Affiliate Disclosure: Some of the links or advertisements in the wordket website are affiliate links or advertisements, meaning, at no additional cost to you. We will earn a commission, if you click through and make a purchase. Thank you 🙂

Leave a Reply

You May Also Like
Read More

പണം പിൻവലിക്കാൻ ഇളവുകളുമായി എസ്ബിഐ

കോവിഡ് 19 മഹാമാരിയുടെ പശ്ചാത്തലത്തിൽ അക്കൗണ്ടുള്ള ശാഖയിൽ നിന്നല്ലാതെ അന്യ ശാഖകളിൽ നിന്ന് പണം പിൻവലിക്കുന്നത് സംബന്ധിച്ച നിബന്ധനകളിൽ സ്റ്റേറ്റ് ബാങ്ക് ഓഫ് ഇന്ത്യ…
Read More

അകലെ

ഒരു വാക്കിനപ്പുറത്തു നീയുണ്ടെന്ന് എനിക്കും ഒരു മൂളലിനിപ്പുറം ഞാനുണ്ടെന്നു നിനക്കും അറിയാമായിരുന്നു എന്നിട്ടും ഒരു കടൽദൂരത്തിലെന്ന പോലെ നാം നിശബ്ദരായിരുന്നു…. PHOTO CREDIT :…
Read More

യാത്ര

ഉള്ളുനീറുമ്പോഴും പുഞ്ചിരിതൂകിയൊരു കട്ടനൂതികുടിച്ച്‌, ഭൂതക്കാലത്തിലെവിടെയോ മറഞ്ഞ നിറമാർന്ന ചിത്രങ്ങളുടെ നിഴലിൽ അലിഞ്ഞ്‌, ആഗ്രഹിച്ചപ്പോഴൊക്കെയും പെയ്യാതെ മാറിയകന്ന മഴയുടെ വരവും കാത്ത്‌, അർത്ഥമൊഴിഞ്ഞ്‌ കേൾവിക്കാരകന്ന വർത്തമാനകാലവുമായ്‌,…
Read More

ശബ്ദങ്ങൾ

ഇരകളുടെ വേഷമണിഞ്ഞ വേട്ടക്കാർ തെരുവുകളിൽ നടക്കുമ്പോൾ നീതിയുടെ പ്രശ്നം മനസ്സുകൾ തോറും അഭയം തേടി അലയുന്നുണ്ട്. ശബ്‌ദിക്കുന്നവർക്ക് പാർക്കാൻ ഇരുമ്പഴികളുള്ള അറകൾ ഒരുങ്ങുന്നുണ്ട്. നിശബ്ദരാക്കപ്പെട്ടവരുടെ…
Read More

ബാധ്യത

ബാധ്യതകളാണെൻ്റെ സമ്പത്ത്; മോഷ്ടിക്കാനാരും വരില്ലല്ലോ! @ആരോ PHOTO CREDIT : RFP Share via: 10 Shares 3 1 1 1 4…
Read More

എസ്ബിഐയിൽ വിദ്യാഭ്യാസ വായ്പ പലിശ ഇപ്പോൾ കുറഞ്ഞ നിരക്കിൽ

ജൂൺ മാസം 22 മുതൽ എസ്ബിഐയിൽ വിദ്യാഭ്യാസ വായ്പ പലിശ നിരക്ക് EBLR (External Benchmark Lending Rate) ബന്ധിത നിരക്കിലേയ്ക്ക് മാറിയിരിക്കുന്നു. ഈ…
Read More

ലക്ഷമണ രേഖ

പെണ്ണായി പിറന്നതു കൊണ്ട് മാത്രം വരയ്ക്കപ്പെട്ട ലക്ഷമണ രേഖകളാണ് ഇവിടെ മൊത്തം! @ആരോ PHOTO CREDIT : PIXABAY Share via: 19 Shares…
Read More

അഴികൾക്കിടയിൽ

മെല്ലെ വിരൽകൊണ്ട് പുസ്തകങ്ങൾക്ക് മീതെ തലോടാൻ തുടങ്ങിയിട്ട് നേരം ഒരുപാടായി. ബെന്യാമിൻ്റെ ആടുജീവിതവും മാധവിക്കുട്ടിയുടെ കോലാടും ബഷീറിൻ്റെ മതിലുകളും പരിചിതമായ മറ്റു പലതും വിരലിൽ…
Read More

ഖബർ

“ഇവിടെ ഒരു ഖബർ ഉണ്ടായിരുന്നു എന്നത് തെളിയിക്കാനുള്ള രേഖ വല്ലതും ഹാജരാക്കാനുണ്ടോ?” കോടതിയുടെ ചോദ്യം “ഇല്ല. പക്ഷേ രേഖ ഇല്ല എന്നത് കൊണ്ട് ഖബർ…
Read More

നിബിഢവനങ്ങൾ

ചിലർ നിബിഢവനങ്ങളെ പോലെയാണ് ഗഹനമായ ശാന്തതയുടെ പച്ചപ്പ് കണ്ട് പൂമരത്തലപ്പുകളുടെ വർണജാലം കണ്ട് നാമകത്ത് കയറും. ഇലച്ചാർത്തുലയുന്ന ശബ്ദങ്ങളിൽ കണ്ണഞ്ചിക്കുന്ന നിറഭേദങ്ങളിൽ മത്തു പിടിപ്പിക്കുന്ന…
Read More

ശൂന്യത

എഴുതുവാനെന്നോണം തൂലിക പിടിച്ചപ്പോഴൊക്കെ വിരലുകൾ വിസ്സമ്മതിച്ചു, എഴുതി തുടങ്ങിയവ മുഴുവിപ്പിക്കാൻ അവ സമ്മതിച്ചുമില്ല, എന്നാൽ എഴുതിയവ ഓരോന്നായി വായിച്ചു തുടങ്ങുമ്പോഴൊക്കെ മിഴികൾ നിറഞ്ഞു തുടങ്ങി,…
Read More

മഴ

“കാറ്റിൻ്റെ അകമ്പടിയോടെ കാലം തൻ്റെ ഓർമ്മകളെ മണ്ണിലേക്കു കുടഞ്ഞിട്ടു. പളുങ്കു മണികൾ ചിതറും പോലെ ആ ഓർമ്മകൾ മണ്ണിൻ്റെ മാറിൽ ചിതറിത്തെറിച്ചു വീണു. കാലം…
Read More

ചങ്ങാതിമാർ

വെയിലു വന്നപ്പോൾ കണ്ടതേയില്ല തണലു പങ്കിട്ട ചങ്ങാതിമാരാരെയും! @ആരോ PHOTO CREDIT : RFP Share via: 12 Shares 1 1 1…
Read More

വൈറസ്

ഏകാന്തത ഒരു മാരക വൈറസ് ആണെന്ന് പലപ്പോഴും ഞാൻ വിചാരിക്കാറുണ്ട്. നമ്മുടെ അനുവാദമില്ലാതെ തന്നെ, തൻ്റെ നിശബ്ദ ശല്കങ്ങളാൽ അത് നമ്മെ സ്പർശിക്കും.. പിന്നെ,…