പഴുത്

ഉച്ചരിക്കാനാകാത്ത വാക്ക് പോലെ എന്‍റെയുള്ളിൽ എന്തോ പിടയ്ക്കുന്നുണ്ട്,
നീയുറങ്ങുമ്പോൾ അരികിൽ ഉറങ്ങാതെയിരുന്ന് ഞാനതിനെ
തുറന്ന് പറത്തിവിടുന്നതായി നിനച്ചിരിക്കും..

നിന്‍റെയുള്ളിലെ പഴുതുകൾ ഞാൻ തിരയുന്നുണ്ട്,
എന്നെങ്കിലുമൊരിക്കലവയിലൊന്നിലൂടെ ഊർന്നിറങ്ങുന്നത്,
നിന്നെ വിട്ടകലുന്നത് ഞാൻ സങ്കല്പിക്കുന്നുണ്ട്..

എങ്കിലും എന്നെ വലയം ചെയ്യുന്ന നിന്‍റെ കൈകൾ അദൃശ്യമൊരു തടവറ തീർക്കുന്നു,
വെളിച്ചത്തിലേക്ക്  കൺ തുറക്കാനാവാതെ ഇരുളിന്‍റെ കോട്ടയിൽ നീയൊരുക്കുന്ന വിചിത്രമായ ശയ്യയിലേക്ക് തന്നെ ഞാൻ മടങ്ങിയെത്തുന്നു..

മൗനത്തിലവസാനിക്കുന്ന വാക്കിനെപ്പോലെ ഞാൻ നിന്നിലേക്ക് തന്നെ മടങ്ങിയെത്തുന്നു….

PHOTO CREDIT : JR KORPA