നൂറ്റാണ്ടുകളുടെ സഹനത്തിൻ്റെ
ഇരുണ്ട ദിനരാത്രങ്ങളുടെ
തേങ്ങലുകളിൽ നിന്ന്,

കലാപങ്ങളുടെ മാറ്റൊലികളിൽ നിന്ന്,
രക്തസാക്ഷികളുടെ
ഹൃദയത്തുടിപ്പുകളിൽ പോലും നിറഞ്ഞ
സ്വാതന്ത്ര്യമോഹങ്ങളിൽ നിന്ന്,

മരണത്തിനു മുന്നിലും
പതറാതെ ഉയർത്തിപിടിച്ച മുഖങ്ങളിൽ
നിന്നുയർന്ന ആഹ്വാനങ്ങളിൽ നിന്ന്,
ഉയിരെടുത്ത്,
ആയിരമായിരം സംസ്കൃതികളെ
ചേർത്തുനിർത്തി
ഒരർദ്ധ രാത്രിയിൽ ഒരു നാട് പിറന്നു..

കണ്ണീരിലും വിയർപ്പിലും കുതിർന്ന
മുഖത്തോടെ..
പലായനങ്ങളുടെ, പിളർപ്പിൻ്റെ നിണമൊഴുകിയ ഉടലോടെ
ഒരു ജനത പുഞ്ചിരിച്ചു.

ഉണങ്ങാമുറിവുകളിലപ്പോഴും
പടർന്നിരുന്ന വേദനയോടെ
ഗംഗയെയും സിന്ധുവിനെയും
ഊട്ടിയ പാടങ്ങളെയും പങ്കുവച്ചു…
മലനിരകളെ പങ്കു വച്ചു..
ദൈവങ്ങളെ പങ്കു വച്ചു….
സഹസ്രാബ്ദങ്ങളുടെ സംസ്കാരത്തെ
പകുത്തെടുത്തു..

കെടുതിയുടെ ചേറു നിറഞ്ഞ പാടങ്ങളിലേക്ക് വീണ്ടുമിറങ്ങി

വെളിച്ചത്തിൻ്റെ ഹൃദയം തുളച്ച വെടിയൊച്ച കേട്ട് പകച്ചുനിന്നു..
ദുസ്വപ്നങ്ങളിലേക്ക് വീണ്ടുമുറങ്ങി..

ഗംഗയിലൂടെ വീണ്ടും പതിറ്റാണ്ടുകളൊഴുകി..

വിശന്ന കുഞ്ഞുങ്ങളുടെ കരച്ചിലില്ലാത്ത
പകലുകളെ സ്വപ്നം കണ്ടു..
ചോരപ്പാടുകളെ മായ്ക്കാൻ ശ്രമിച്ചു.

ചാരം മൂടിയ കനലുകളിൽ
തീ പടർത്തുന്ന കൊടുങ്കാറ്റുകൾ
പർവതങ്ങളിൽ തക്കം പാത്തിരിക്കുമ്പോഴും

ക്ഷമാശീലരായ ദൈവങ്ങളുടെ
മുഖത്തെ പുഞ്ചിരിമായ്ച്ചു
ക്രോധാഗ്നി വരയ്ക്കുന്ന കൈകളെ കണ്ടിട്ടും

ശമം ശീലിച്ച, ക്ഷമ വിടാത്ത
മരണമില്ലാത്ത ആത്മാവായി
ബഹുവർണ്ണം പടർന്ന ഒരൊറ്റ പുടവ ചുറ്റി,
പ്രതീക്ഷകളെ നെഞ്ചിലേറ്റി
രാജ്യമിപ്പോഴും ഉണർന്നിരിക്കുന്നു..

കനൽവഴികളിലൂടെ ഗംഗ ഒഴുകിക്കൊണ്ടിരിക്കുന്നു..

മോചനവും സമാധാനവും
സാഹോദര്യവും വീണ്ടും സ്വപ്നം കണ്ടുകൊണ്ട്
മൂവർണ്ണക്കൊടി ഒരിക്കൽക്കൂടി ചരിത്രത്തിലേക്ക് ഉയരുന്നു ..

വിധിയുമായി നമ്മൾ വീണ്ടും മുഖാമുഖം കാണുന്നു..


PHOTOCREDIT : STUDIO ART SMILE
Bookmark (0)
ClosePlease loginn

 

Affiliate Disclosure: Some of the links or advertisements in the wordket website are affiliate links or advertisements, meaning, at no additional cost to you. We will earn a commission, if you click through and make a purchase. Thank you 🙂

Leave a Reply

You May Also Like
Read More

സമാന്തരം

അവളുടെ വീട്ടിലേക്ക് പുസ്തകം വിൽക്കാനായിട്ടാണ് അയാൾ വന്നത്. . അവൾക്ക് വലിയൊരു ലൈബ്രറി ഉണ്ടെന്നും പുസ്തകങ്ങൾ വാങ്ങി വായിക്കുന്നതാണ് പ്രധാന ഹോബിയെന്നും അയാളോട് ആരോ…
Read More

പ്രത്യയശാസ്ത്രങ്ങൾ

മോൾക്ക് ഒരു സ്കൂളിൽ ജോലി ശരിയാവുന്നുണ്ടെന്നും അതിനു കുറച്ച് കാശ് മാനേജർക്ക് കൊടുക്കണമെന്നും അത് കൊണ്ട് എല്ലാവരുടെയും ഭാഗമുള്ള സീതത്തോടിലെ രണ്ടര ഏക്കർ വിറ്റാലോ…
Read More

അറ്റെൻഷൻ പ്ലീസ്

ജിതിൻ ഐസക് തോമസ് തിരക്കഥയെഴുതി സംവിധാനം ചെയ്തിരിക്കുന്ന ‘അറ്റെൻഷൻ പ്ലീസ്’ ബ്രില്യന്റ് എന്ന് നിസ്സംശയം വിശേഷിപ്പിക്കാവുന്ന ചിത്രമാണ്. മേക്കിങ്ങിലെ ഓരോ ഘടകവും പ്രശംസ അർഹിക്കുന്നു.…
Read More

എസ്ബിഐ വായ്പകളുടെ തിരിച്ചടവുകൾക്ക് മൊറട്ടോറിയം

കോവിഡ്-19 എന്ന മഹാമാരി മൂലം വ്യക്തികൾക്കും കച്ചവടസ്ഥാപനങ്ങൾക്കും ഉണ്ടാകുന്ന വരുമാന നഷ്ടത്തിലൂടെ ഒരു വൻ സാമ്പത്തിക പ്രതിസന്ധിയാണ് സൃഷ്ടിക്കപ്പെട്ടിരിക്കുന്നത്. ഇക്കാര്യം കണക്കിലെടുത്തുകൊണ്ട് ഇക്കൂട്ടർക്ക് ഒരു…
Read More

റൂൾ ഓഫ് തേർഡ്സ്

അബ്സ്ട്രാക്ട് ചിത്രങ്ങൾ മാത്രം വരയ്ക്കാറുള്ള നഗരത്തിലെ പ്രധാന ചിത്രകാരൻ മെഹ്‌റൂഫ് ആരാധന ഒന്നുകൊണ്ടു മാത്രം വരച്ചുകൊണ്ടിരിക്കുന്ന ദ്രുപദയുടെ അപൂർണമായ പെയിന്റിംഗിലേക്ക്‌ അവളുടെ ഭർത്താവായ ഞാൻ…
Read More

ചങ്ങാതിമാർ

വെയിലു വന്നപ്പോൾ കണ്ടതേയില്ല തണലു പങ്കിട്ട ചങ്ങാതിമാരാരെയും! @ആരോ PHOTO CREDIT : RFP Share via: 12 Shares 2 1 1…
Read More

വീണ്ടും

ഓർമ്മകളുടെ നൂലിഴകൾ പതിയെ വലിച്ചുമാറ്റി ജീവിതത്തിൻ്റെ നെയ്ത്തുശാലയിൽ അപരിചിതരായി നമുക്ക് വീണ്ടും കണ്ടുമുട്ടണം പാകമാവാത്ത ഉടുപ്പുകൾ തന്നെ വീണ്ടുമെടുത്തണിയാൻ…. ANTON Share via: 21…
Read More

ശബ്ദങ്ങൾ

ഇരകളുടെ വേഷമണിഞ്ഞ വേട്ടക്കാർ തെരുവുകളിൽ നടക്കുമ്പോൾ നീതിയുടെ പ്രശ്നം മനസ്സുകൾ തോറും അഭയം തേടി അലയുന്നുണ്ട്. ശബ്‌ദിക്കുന്നവർക്ക് പാർക്കാൻ ഇരുമ്പഴികളുള്ള അറകൾ ഒരുങ്ങുന്നുണ്ട്. നിശബ്ദരാക്കപ്പെട്ടവരുടെ…
Read More

ചുവപ്പ്

ചിലപ്പോഴെങ്കിലും നിൻ്റെ ഓർമ്മകൾഎന്നെ തിരയാറുണ്ടോ? മഴ പെയ്യുന്ന രാത്രികളിൽഅരിച്ചിറങ്ങുന്ന തണുപ്പിനോടൊപ്പംഎൻ്റെ ഓർമ്മകളും നിന്നെ വേട്ടയാടാറുണ്ടോ? എൻ്റെ ശരീരത്തിൽ ആഴ്ന്നിറങ്ങിയ നിൻ്റെ നഖങ്ങൾക്കടിയിൽ ഇപ്പോഴും എൻ്റെ…
Read More

അയ്യങ്കാളിയുടെ പോരാട്ടം – ചരിത്രവും പശ്ചാത്തലവും : ഭാഗം 2

പൊതു വഴിയിലൂടെയുള്ള സഞ്ചാരസ്വാതന്ത്ര്യത്തിനുള്ള സമരം 1893 : പട്ടിക്കും പൂച്ചയ്ക്കും പോലും നടക്കാവുന്ന പൊതുവഴിയിലൂടെ പുലയരുൾപ്പടെയുള്ള സാധുക്കൾക്ക് നിഷേധിക്കപ്പെട്ടിരുന്ന ഇരുണ്ട കാലഘട്ടം. സഞ്ചരിക്കാനുള്ള അവകാശത്തിനു…
Read More

ജയ ജയ ജയ ജയ ഹേ

വിപിൻ ദാസ് സംവിധാനം ചെയ്ത ജയ ജയ ജയ ജയ ഹേ എന്ന സിനിമയിൽ ‘ഇങ്ങോട്ട് നോക്കണ്ട കണ്ണുകളെ’ എന്ന് തുടങ്ങുന്ന ഒരു ഗാനമുണ്ട്.…
Read More

കാവു – ഒരു ഗദ്യകവിത

തേമി വീണു, കാവും വീണു, തേമി മാത്രേ കരഞ്ഞുള്ളൂ. കാവു അല്ലേലും അങ്ങനെയാണത്രെ, മിണ്ടാട്ടം കുറവാ, വാശിയുമില്ല. ഉപ്പനെ കണ്ടപ്പൊ തേമിക്കതിനെ വേണം, കരഞ്ഞു…
Read More

ശിവരഞ്ജിനിയും ഇന്നും സില പെണ്‍കളും

വസന്ത് എസ് സായി സംവിധാനം ചെയ്ത മൂന്ന് കാലഘട്ടങ്ങളിൽ ജീവിച്ച മൂന്ന് പെണ്ണുങ്ങളുടെ കഥ പറയുന്ന ‘ശിവരഞ്ജിനിയും ഇന്നും സില പെണ്‍കളും’ എന്ന തമിഴ്…
Read More

ഏകാന്തത

ഏകാന്തത ഒരു സമാന്തര ലോകമാണ് അതിവിശാലമായ ഒരു സ്വതന്ത്രറിപ്പബ്ലിക്ക് മൗനമാണ് ഭാഷ.. ആരെയും കൂസാത്ത ചിന്തകൾ തെരുവുകളിലലഞ്ഞു തിരിയുന്നു ഉണർവിനും ഉറക്കത്തിനുമിടയിലെ നേർത്ത വരമ്പിലൂടെത്തി…