Affiliate Disclosure: Some of the links or advertisements below are affiliate links or advertisements, meaning, at no additional cost to you. We will earn a commission, if you click through and make a purchase. Thank you 🙂

ഓരോ അടിവയ്പ്പിലും അവൾ കിതയ്ക്കുകയായിരുന്നു. ആ ചെറിയ കുന്ന് ഹിമാലയം പോലെ ദുഷ്കരമായി ഭീമാകരമായി അവൾക്ക് തോന്നി. അവൾക്കു മുന്നിലായി ഏറെ ദൂരം നടന്നുകയറി തിരിഞ്ഞു നോക്കി ചിരിച്ചുകൊണ്ട് അയാൾ വിളിച്ചു പറഞ്ഞു..

“നീ കിതയ്ക്കുന്നു….”

“അതേ.. കയറ്റങ്ങൾ എന്നെ എളുപ്പം തളർത്തും.” അവൾ കിതപ്പിനിടയിൽ പറഞ്ഞൊപ്പിച്ചു.

“എന്നെങ്കിലും വീട് പണിയുമെങ്കിൽ കുന്നിൻമുകളിൽ ചുറ്റും വെള്ള പൂശിയ വേലിയുള്ള കുഞ്ഞു വീടാണ് എൻ്റെ സ്വപ്നം”

അയാൾ ആയാസരഹിതമായി മുന്നോട്ട് വീണ്ടും കയറവെ പറഞ്ഞു.. “അപ്പോഴോ?”

“ഞാൻ നമ്മുടെ വീട് സങ്കല്പിച്ചത് പുഴക്കരയിലാണ്. മുന്നിൽ മഞ്ഞക്കോളമ്പിപ്പൂക്കൾ നിറഞ്ഞത്. മതിലുകളില്ലാത്തത്.” അവൾ ആയാസം കൊണ്ട് ചുമന്ന മുഖത്തോടെയാണെങ്കിലും പുഞ്ചിരിച്ചു.

“വെള്ളപ്പൊക്കത്തിന് ശേഷവും പുഴക്കര ഇത്രയും പ്രിയമോ” അയാൾ പരിഹസിച്ചു.

“കുന്നിൻമുകളിൽ വീട് വയ്ക്കാൻ പോകുന്നയാൾ ഉരുൾപൊട്ടൽ മറന്നോ?” അവളും വിട്ടുകൊടുത്തില്ല.

“ഞാനും നീയും മാത്രം.. മറ്റുള്ളവർക്ക് പെട്ടെന്ന് ഓടിക്കയറി വരാൻ പറ്റാത്ത ഒരിടം. അതാണെൻ്റെ ആഗ്രഹം”

“എനിക്ക് നേരെ തിരിച്ചാണ്. ആർക്കും എപ്പോഴും കടന്നു വരാവുന്ന നിൻ്റെ സുഹൃത്തുക്കളും ബന്ധുക്കളും എൻ്റെയും തിരിച്ചും ആവുന്ന ഒരു വീട്” അവൾ ചിരിച്ചുകൊണ്ട് പറഞ്ഞു.

“എനിക്ക് നീയൊഴികെ ബന്ധങ്ങൾ കുറവാണ്. ഇഷ്ടവുമല്ല” അയാൾ ഉത്ഘോഷിച്ചു.

“ഞാൻ ബന്ധങ്ങളെ ആഘോഷിക്കുന്നവളാണ്”.

“ഇരുട്ടിലാണ് ഞാൻ കൂടുതൽ കംഫർട്ടബിൾ”. കുന്നിൻ്റെ നെറുകയിലേക്ക് അടുക്കുമ്പോൾ അയാൾ പറഞ്ഞു.

“രാത്രിയിൽ ഉറങ്ങാൻ കിടക്കുമ്പോൾ പോലും ഞാൻ വെട്ടം അണയ്ക്കാറില്ല” അവൾക്കു ചിരിയൊതുക്കാനായില്ല.

“ഞാൻ ഭാവിയെപ്പറ്റി കരുതലുള്ള ഒരാൾ ആണ്. എല്ലാം പ്ലാൻ ചെയ്യുന്ന ഒരുവൻ.”

കുന്നിൻ്റെ മുനമ്പിലെത്തി തിരിഞ്ഞ് നിന്ന് കൈകൾ വിടർത്തി നിന്ന് നാടകീയ ആംഗ്യത്തോടെ അയാൾ പറഞ്ഞു.

“എനിക്കൊരു പ്ലാനിംങും ഇല്ല എന്നതിൻ്റെ തെളിവാണ് ക്ഷീണിച്ചു വലഞ്ഞ എനിക്കൊരു കൈ പോലും തരാതെ കുന്നിൻ്റെ നെറുകയിലെത്തി ഗോഷ്ടി കാണിക്കുന്ന ഈ കാമുകൻ”.

അയാൾ ചിരിച്ചുകൊണ്ട് ഇറങ്ങിവന്ന് അവളെ തൻ്റെ കൈകളിൽ പൊക്കിയെടുത്ത് മുനമ്പിലേക്ക് തിരിച്ചു കയറി.

“വൈരുധ്യങ്ങളുടെ വിചിത്രസങ്കലനം..”

കുന്നിൻ നെറുകയിൽ നിന്ന് അയാളെ ചുംബിച്ചുകൊണ്ട് അവൾ പറഞ്ഞു.

അസ്തമയമായിരുന്നു. കുന്നിന് താഴെയുള്ള ചെറുപട്ടണത്തിൽ വിളക്കുകൾ തെളിയാൻ തുടങ്ങിയിരുന്നു. കുന്നിൻമുകളിലെ തണുത്ത കാറ്റേറ്റ് കിതപ്പും വിയർപ്പും മാറ്റി പരസ്പരം ചേർന്നിരുന്നുകൊണ്ട് അയാൾ പറഞ്ഞു.

“താഴ്‌വര എത്ര സുന്ദരമായ കാഴ്ചയാണ്. ഇരുളും വെളിച്ചവും..”

“അതേ” അവൾ പറഞ്ഞു. “ഒന്നില്ലെങ്കിൽ മറ്റേതിന് പ്രസക്തിയില്ല”

കുന്നിറങ്ങുമ്പോൾ അവളായിരുന്നു മുൻപിൽ..

“ഇറക്കം എനിക്കൊരു പ്രശ്നമേ അല്ല” അവൾ ഉറക്കെ വിളിച്ചുപറഞ്ഞു.

വീഴാതിരിക്കാൻ പിടിച്ച ചെറിയ ചില്ലയൊടിഞ്ഞു താഴേക്ക് നിരങ്ങി വീണിടത്ത് നിന്നും എഴുന്നേറ്റു കൊണ്ട് അയാൾ പറഞ്ഞു.

“കാൽമുട്ടുകളുടെ സ്ഥാനത്ത് എനിക്ക് ശൂന്യതയാണ് ഫീല് ചെയ്യുന്നത്”.

ഇരുട്ടിൽ അവളുടെ ചിരി മുന്നിലെവിടെയോ നിന്ന് കേട്ടു.

മൊബൈലിൻ്റെ വെട്ടത്തിൽ ചവിട്ടാനുറപ്പുള്ള കല്ലുകളും ബലമുള്ള മരച്ചില്ലകളും കണ്ടെത്തി പ്രയാസപ്പെട്ടു ഇറങ്ങുന്നതിനിടയിൽ അയാളും ചിരിച്ചു.


PHOTO CREDIT : VANESSA GARCIA

Leave a Reply

You May Also Like
Read More

ഗുൽമോഹർ

ചില്ലകൾ എന്നേ ഉണങ്ങിവീണിരുന്നിട്ടും ആ തണലേറ്റ് നിന്ന സന്ധ്യകൾ കിനാവുകൾക്ക് പോലുമന്യമായി തീർന്നിട്ടും ഇലകളും പൂക്കളും മറവിയുടെയലകളിൽ ഒഴുകിയകന്നിട്ടും വേരുകളിനിയും അടരാതെ നിൽക്കുന്നു നമ്മുടെ…
Read More

മുല്ല

വാടും മുമ്പേ കൊഴിഞ്ഞുവീണ മുല്ലപ്പൂക്കൾ.. അവസാന ഗന്ധം മണ്ണിലേക്ക് കിനിയവേ…. മണ്ണ് പറഞ്ഞു : “ഞാൻ വെറുമൊരു മണ്ണാണ്..” മുല്ലച്ചെടി ചില്ലതാഴ്ത്തി  : “എൻ്റെ…
Read More

വെയിൽചിത്രം

നിലാവിൽ വിരൽ തൊട്ട് ഞാൻ നിന്നെ വരയ്ക്കാൻ നോക്കുകയായിരുന്നു.. നിൻ്റെ കണ്ണുകൾ വരയ്ക്കാൻ കടലിൻ്റെ നീലിമ തിരയുകയായിരുന്നു.. നിൻ്റെ ചിരി വരയ്ക്കാൻ ഇളം വെയിലിൻ്റെ…
Read More

അതിര്..ആകാശം..ഭൂമി!

അവര്‍ തീമഴ പെയ്യുന്ന ഭൂപടങ്ങളില്‍ മുറിവേറ്റ നാടിൻ്റെ വിലാപങ്ങളെ ചുവന്ന വരയിട്ട് അടയാളപ്പെടുത്തും. വീട്ടിലേക്ക് ഒരു റോക്കറ്റ് വന്ന വഴി കൂട്ടുകാരിയുടെ കുഴിമാടത്തിലേക്കു നീട്ടിവരയ്ക്കുന്നു.…
Read More

അന്ധർ

മൗനമാണ് ഞങ്ങളുടെ കവചം.. കുരുതിക്കളങ്ങൾ ഞങ്ങളെ അസ്വസ്ഥരാക്കുന്നില്ല ഞങ്ങളിൽ എതിർപ്പിൻ്റെ സ്വരം ഉയരുന്നേയില്ല സന്തോഷമാണ് ഞങ്ങളുടെ ഭാവം.. പടനിലങ്ങൾക്കരികിൽ പ്രാണൻ വെടിഞ്ഞു തെരുവിൽ കിടക്കുന്ന…
Read More

യാത്ര

ഉള്ളുനീറുമ്പോഴും പുഞ്ചിരിതൂകിയൊരു കട്ടനൂതികുടിച്ച്‌, ഭൂതക്കാലത്തിലെവിടെയോ മറഞ്ഞ നിറമാർന്ന ചിത്രങ്ങളുടെ നിഴലിൽ അലിഞ്ഞ്‌, ആഗ്രഹിച്ചപ്പോഴൊക്കെയും പെയ്യാതെ മാറിയകന്ന മഴയുടെ വരവും കാത്ത്‌, അർത്ഥമൊഴിഞ്ഞ്‌ കേൾവിക്കാരകന്ന വർത്തമാനകാലവുമായ്‌,…
Read More

ഒറ്റ ഞരമ്പ്

ഉറക്കമില്ലാത്ത രാത്രികളിലാണ് ഞാനെൻ്റെ മുഖം കണ്ണാടിയിൽ നോക്കാറ് അതങ്ങനെ വരണ്ടും കണ്ണുകൾ തളർന്നും നക്ഷത്രങ്ങളില്ലാത്ത രാത്രിയുടെ ആത്മാവ് പോലെ നിശബ്ദമായി കണ്ണാടിയിൽ നിന്നെന്നെ ഉറ്റുനോക്കും…
Read More

സമാന്തരരേഖകൾ

ഒരു കുഞ്ഞുബിന്ദുവിൽ ഒന്നിക്കുന്ന അനാദിയായ രണ്ട് രേഖകളായാണ് നിൻ്റെ കണക്കുപുസ്തകത്തിൽ നമ്മെ നീ അടയാളപ്പെടുത്തിയത് .. ഇപ്പോഴിതാ .. തമ്മിലറിഞ്ഞുകൊണ്ട് ഒരിക്കലും അടുക്കാനാവാത്ത സമാന്തരവരകളായി…
Read More

അപരിചിത

എൻ്റെ മുറിയിൽ പതിഞ്ഞ നിൻ്റെ മുദ്രകളെ മായ്ക്കുകയായിരുന്നു ഞാൻ ഓർമക്കളങ്ങളിൽ പടർന്നൊഴുകിയ നിറങ്ങളാദ്യം കളഞ്ഞു ഞാൻ മുഖം ചേർത്തു കിടന്ന നിൻ്റെ ഉടുപ്പുകളിൽ നിന്ന്…
Read More

പുറ്റ്

ഡി സി നോവല്‍ പുരസ്‌കാരത്തില്‍ ഷോര്‍ട്ട് ലിസ്റ്റ് ചെയ്യപ്പെട്ട കരിക്കോട്ടക്കരിക്കുശേഷം വിനോയ് തോമസ് എഴുതിയ നോവല്‍ ആണ് പുറ്റ്. തങ്ങളുടെ ഭൂതകാലങ്ങളുടെ കാണാ ചുമട്…
Read More

കള്ളൻ

കള്ളൻ കയറിയത് പാതിരാ കഴിഞ്ഞ് രണ്ടുമണിയോടെയാണ് എല്ലാവരും അറിഞ്ഞത്. നാട്ടിൽ ജോർജ് വർഗീസ് ഡോക്ടറുടെ വീട്ടിൽ മാത്രം ടെലിഫോൺ ഉള്ള ആ കാലത്തു, ആളും…
Read More

മഴമേഘങ്ങൾ

ജാലകവാതിൽ കടന്നുവന്ന കാറ്റ്‌ നിറം മങ്ങിയ ചുവരിലെ നിഴലുകൾക്ക്‌ ജീവൻ നൽകി. നിശബ്ദതയെ പഴിച്ചു ചുവരുകൾ വിങ്ങുന്നതുപോലെ തോന്നി. പൂരിപ്പിക്കാൻ വിട്ടുപോയ ഇടങ്ങളിൽ നിന്നായിരുന്നു…
Read More

തിര

നിന്നെയറിയാൻ ശ്രമിച്ചതും കടലിൽ നീന്താൻ ശ്രമിച്ചതും ഒരുപോലെയായിരുന്നു.. ഇറങ്ങുമ്പോഴെല്ലാം വൻതിരമാല വന്ന് തുടങ്ങിയിടത്തു നിന്നും പുറകിലേക്ക് കൊണ്ടുപോയി.. എന്നിട്ടും അഗാധമായ ഒരപരിചിതത്വത്തോടെ നീ അലയടിച്ചെന്നിൽ…
Read More

യാ ഇലാഹി ടൈംസ്

ലളിതമായ ഭാഷയിൽ നോൺ ലീനിയർ ശൈലിയിൽ എഴുതപ്പെട്ട നോവലാണ് അനിൽ ദേവസ്സിയുടെ ‘യാ ഇലാഹി ടൈംസ്’. ദുബായിൽ പ്രവാസിയായി ജീവിക്കുന്ന പ്രധാന കഥാപാത്രം സിറിയൻ…