ഒല്ലൂരു സെന്റ് ജോസഫ്സിൽ എട്ടാം ക്ലാസ്സിൽ പഠിക്കുന്ന കുര്യപ്പന് റഷ്യയോട് കടുത്ത സ്നേഹമായിരുന്നു.

ഒല്ലൂരു മണ്ഡലം ചോപ്പ് ആയതു കൊണ്ടാണെന്നു കരുതിയെങ്കിൽ നമുക്ക് തെറ്റി,
കാരണം, റഷ്യയോട് മാത്രമല്ല.. നാറ്റോയിൽ ചേരാൻ നിലപാട് എടുക്കാൻ ശ്രമിച്ച യുക്രൈനോടും, കുത്തിത്തിരുപ്പിൻ്റെ ഉപജ്ഞാതാക്കളായ അമേരിക്കയോടും എന്നല്ല, ഈ കലക്ക വെള്ളത്തിൽ മീൻ പിടിക്കാൻ നോക്കുന്ന സകല ആയുധകച്ചവടക്കാരോടും കുര്യപ്പന് പക്ഷഭേദമില്ലാതെ സ്നേഹം പൊടുന്നനെ വളർന്നു വന്നു.

അങ്ങനെ സാർവലൗകികമായി ആ സ്നേഹം വളർന്നു പന്തലിച്ചത് പത്രം വായിച്ചോ ചാനൽ ചർച്ച കണ്ടോ ടാഗോർ കവിതകൾ വായിച്ചോ സംഭവിച്ചതാണെന്ന് കരുതിയാൽ നമുക്ക് വീണ്ടും തെറ്റി.

ചുരുക്കം ചിലയാളുകൾ മാത്രം അറിഞ്ഞ ആ സംഭവം താഴെ കാണും വിധം സംഗ്രഹിക്കാവുന്നതാണ്.

ഉക്രൈനിൽ റഷ്യ വെടി പൊട്ടിക്കാൻ തുടങ്ങിയ വാർത്ത ചാനലുകൾ ആക്രാന്തത്തോടെ ഛർദിക്കാൻ തുടങ്ങിയതിന് തൊട്ടു മുൻപാണ് സംഗതിയുടെ ആരംഭം.

സ്കൂളിൽ പോകാനിറങ്ങിയെങ്കിലും വീട്ടുകാർ ആരുമറിയാതെ തിരിച്ച് കയറി
വീടിൻ്റെ രണ്ടാം നിലയുടെയും മുകളിലുള്ള മച്ചിൽ ഉറങ്ങികിടക്കുകയായിരുന്ന കുര്യപ്പനെ അവൻ്റെ അപ്പൻ അന്തോണി ആകസ്മികമായി കണ്ടു പിടിച്ചു. താമസം വിനാ എടുത്തിട്ടു പെരുക്കാനും തുടങ്ങി.

ആദ്യത്തെ അടി കരണക്കുറ്റിക്കിട്ടായിരുന്നു. ഉറക്കത്തിൻ്റെ കെട്ടിപ്പിടിത്തത്തിൽ നിന്ന് അടിയുടെ വേദനയിലേക്ക് എടുത്തെറിയപ്പെട്ട കുര്യപ്പന് വാലും മൂടും തിരിഞ്ഞു വരുന്നതിനു മുമ്പ് താഴെ ടിവി വച്ച അകായിൽ നിന്ന് അവൻ്റെ അമ്മച്ചി ലില്ലിക്കുട്ടി ആർത്ത് വിളിച്ചു..

“എന്റീശോയേ”
നിങ്ങള് കേട്ടാ അന്തോണ്യേട്ടാ, യുദ്ധം തൊടങ്ങീന്ന് യുദ്ധം!
നിങ്ങളാ മടിയൻ പോത്തനെ തല്ലാൻ നിക്കണ നേരം
മൂത്തതിനെ എന്ത് പണ്ടാരെങ്കിലും ചെയ്ത് യുക്രൈനീന്ന് കൊണ്ടരാൻ നോക്ക്..”

അത്‌ കേട്ട പാതി കേൾക്കാത്ത പാതി കുര്യപ്പൻ്റെ തലയ്ക്കിട്ട് ഒരു മുട്ടൻ കിഴുക്കും കൂടി കൊടുത്ത് അന്തോണി മച്ചിൽ നിന്നിറങ്ങി. ഒരര മണിക്കൂർ കൂടി കഴിഞ്ഞു രംഗം സേഫ് ആയെന്നുറപ്പിച്ച് കുര്യപ്പനും താഴോട്ട് ഇറങ്ങി.

അമ്മച്ചി കരച്ചിലും വെപ്രാളവും നിറുത്തി, നാത്തൂനായ മോളമ്മയെ വിളിച്ചു പതം പറച്ചിൽ തുടങ്ങിയിരുന്നു.

“നിനക്കിട്ടു ഞാൻ വച്ചിട്ടുണ്ടെടാ” എന്ന തരത്തിലുള്ള ഒരു എക്സ്പ്രഷനിട്ട് അപ്പൻ കുര്യപ്പനെ നോക്കി.

പിന്നെ, ഇവിടെയൊന്നും പഠിക്കാൻ നിൽക്കാതെ, മുണ്ടൂരു റോഡ് സൈഡിലെ 10 സെന്റ് പറമ്പ് വിറ്റ കാശും കൊണ്ട് ഡോക്ടറാവാൻ പഠിക്കാൻ ഉക്രൈനിൽ പോയ മൂത്ത ചെറുക്കനെ ഇന്റർനാഷണൽ കോൾ വിളിച്ച് തികച്ചും അസാന്ദർഭികമായി, രാഷ്ട്രീയശരി ഒട്ടുമില്ലാതെ ചീത്ത വിളിക്കാൻ തുടങ്ങി.

തത്കാലം അടിക്കുള്ള സ്കോപ് ഇല്ലെന്ന് മനസ്സിലാക്കിയ കുര്യപ്പൻ
ആശ്വാസത്തോടെ സോഫയിലിരുന്നു ടിവി കാണാൻ തുടങ്ങി.

ഒരു ‘പ്രമുഖ’ചാനലിൽ യുദ്ധസീൻ തുടങ്ങിയിരുന്നു.
ആളിപ്പടരുന്ന തീയിൽ നിന്ന് തലനാരിഴക്ക്  രക്ഷപ്പെടുന്ന റഷ്യൻ വിമാനം
കണ്ട് കുര്യപ്പൻ ചെക്കൻ അന്തം വിട്ടിരുന്നു.

“മുൻപ് എവടയോ കണ്ട പോലെ..?”

ഒരു നിമിഷം അങ്ങോട്ട് കഴിഞ്ഞില്ല,
“കിട്ടി, കിട്ടി, യുറേക്കാ”
ചെക്കനാർത്തു വിളിച്ചു സോഫയിൽ നിന്ന് ചാടിയെണീറ്റു.

ഇതുകണ്ട് അരിശം കൊണ്ട് സമനില തെറ്റിയ അപ്പനുമമ്മയും അവൻ്റെ നേരെ പാഞ്ഞു വന്നു. അപ്പൻ്റെ കയ്യിലെ ഫോണും തട്ടിപ്പറിച്ച് ചെക്കൻ പുറത്തേക്കോടിപ്പോയി.

അഴിയാൻ പോകുന്ന ലുങ്കിയും മടക്കിക്കുത്തി അന്തോണി പുറകെയും.
അപ്പനെ വെട്ടിച്ച് പറമ്പിലെ മൂവാണ്ടൻ മാവിൻ്റെ കൊമ്പിൽ കയറിപ്പറ്റിയ ചെക്കൻ വിളിച്ചത് പ്ലസ് ടു ക്ലാസ്സിൽ പഠിക്കുന്ന ട്രോളൻ ചേട്ടനെയാണ്.

“ചേട്ടാ യുദ്ധസീൻ എന്നും പറഞ്ഞു ന്യൂസി കാണിക്കണതേയ് ഫേയ്ക്കാ ഫെയ്ക്ക്. ആ സീനെയ്, അർമ 3 വീഡിയോ ഗെയ്മിലെ കോപ്പിയാ പക്കാ കോപ്പി..”

കുടവയറും വച്ചു അന്തോണി മരം കയറാൻ ശ്രമിക്കുന്നത് കണ്ട കുര്യപ്പൻ സഹതാപത്തോടെ താഴെക്കിറങ്ങി വന്നു.

അപ്പനും മകനും തമ്മിലുള്ള പരസ്പരബഹുമാനത്തിൽ വിശ്വാസം തീരെയില്ലാത്ത അന്തോണി തലയ്ക്കു രണ്ട് മേടും കൊടുത്തു അവൻ്റെ കയ്യീന്ന്
ഫോൺ മേടിച് കൊണ്ട് പോയി.

എങ്കിലും സംഗതി കലക്കി. അര മണിക്കൂർ കൊണ്ട് സോഷ്യൽ മീഡിയയിൽ
കുര്യപ്പൻ്റെ കണ്ടുപിടിത്തം വൈറലായി. പ്രമുഖ ചാനൽ മാപ്പു പറഞ്ഞു തടി തപ്പുന്നതും കണ്ട് കുര്യപ്പൻ ഞെളിഞ്ഞിരിക്കുമ്പോൾ അമ്മ വന്ന് അപ്പൻ തന്നതിൻ്റെ ബാക്കി ഒരു നുള്ളും കൂടെ അവൻ്റെ കൈവണ്ണക്കിട്ട് കൊടുത്തു.

“മടിയൻ കുരിപ്പ്!”

അല്ലെങ്കിലും മഹാന്മാരെ സ്വന്തം നാട്ടിലും വീട്ടിലും ആരും ബഹുമാനിക്കാറില്ലല്ലോ എന്ന് സമാധാനിച്ച് കുര്യപ്പൻ കൂടുതൽ ഫേക്ക് സീനുകൾക്കായി കൊതിച്ചു യുദ്ധവാർത്തകൾ ചാനലുകൾ മാറ്റി കണ്ടുകൊണ്ടിരുന്നു.


PHOTO CREDIT : ARMA 3

 

Affiliate Disclosure: Some of the links or advertisements in the wordket website are affiliate links or advertisements, meaning, at no additional cost to you. We will earn a commission, if you click through and make a purchase. Thank you 🙂

Leave a Reply

You May Also Like
Read More

പാഠം ഒന്ന്

‘ഉയരെ ‘ സിനിമ അല്പം വൈകിയിട്ടായാലും കണ്ടതിൻ്റെ ആവേശത്തിൽ സ്ത്രീപക്ഷപരമായ ഒരു ഫേസ്ബുക്ക് പോസ്റ്റ്‌ ഇടാനായി വാക്കുകളുമായി മല്പിടിത്തം നടത്തികൊണ്ടിരിക്കുമ്പോഴാണ്  അല്പം  വിഷണ്ണനായിട്ടിരിക്കുന്ന അഞ്ചാം…
Read More

അയ്യങ്കാളിയുടെ പോരാട്ടം – ചരിത്രവും പശ്ചാത്തലവും : ഭാഗം 4

സ്കൂൾ പ്രവേശന, കാർഷിക, പണിമുടക്ക് സമരം 1904ൽ വെങ്ങാനൂരിൽ അയ്യങ്കാളി  സ്വന്തമായി കുടിപള്ളികൂടം സ്ഥാപിച്ചു. കേരളത്തിൽ ദളിതർക്ക് മാത്രമായി സ്ഥാപിക്കപ്പെട്ട ആദ്യത്തെ സ്കൂളായിരുന്നു. 1905-07…
Read More

കത്തുന്ന നഗരങ്ങൾ

മരണങ്ങൾക്ക് നടുവിലാണ് നമ്മൾ അത്രമേൽ ജീവിക്കുക.. രാപ്പൂക്കളെപ്പോലെ നമ്മുടെ ആകാശങ്ങളിൽ യുദ്ധം ജ്വലിച്ചുവിടർന്നുനിൽക്കുമ്പോൾ. ഉത്സവരാവുകളിലെ പ്രകാശധാര കണക്കിന് മിസൈലുകൾ നമ്മുടെ കൂരകൾക്ക് മേലെ വിടർന്നു…
Read More

മനപ്രയാസം

‘പൊരിഞ്ഞ വെയിലിൽ,  ഇരു കാലുമില്ലാതെ ലോട്ടറി വിൽക്കുമ്പോഴും അയാളിൽ ചിരി നിറഞ്ഞു നിന്നു. എങ്ങനെ സാധിക്കുന്നുവെന്ന് ആരാഞ്ഞപ്പോൾ, “കോടികളുടെ ബിസിനസ്സിനിടയിൽ എന്ത് മനപ്രയാസം…..” എന്ന്…
Read More

രാവ്

രാവ് പെയ്യുകയാണ് പുലരിയുടെ പ്രണയവും തേടി…. ഹൈക്കുകവിതകൾ@ആരോ PHOTO CREDIT : MATT BENNETT Share via: 10 Shares 3 1 2…
Read More

സമാന്തരരേഖകൾ

ഒരു കുഞ്ഞുബിന്ദുവിൽ ഒന്നിക്കുന്ന അനാദിയായ രണ്ട് രേഖകളായാണ് നിൻ്റെ കണക്കുപുസ്തകത്തിൽ നമ്മെ നീ അടയാളപ്പെടുത്തിയത് .. ഇപ്പോഴിതാ .. തമ്മിലറിഞ്ഞുകൊണ്ട് ഒരിക്കലും അടുക്കാനാവാത്ത സമാന്തരവരകളായി…
Read More

ചില നിശബ്‌ദവൈറസുകൾ

അന്ന് മാർച്ച്‌ 13 ആയിരുന്നു. ഡോമിനിക് ലാപിയറിൻ്റെ ‘സിറ്റി ഓഫ് ജോയ്’ എന്ന നോവലിൽ പ്രളയവും കോളറയും പിന്നാലെ ചുഴലിക്കാറ്റും തകർത്തെഞ്ഞിട്ടും ആനന്ദനഗരമെന്ന് പേരുള്ള…
Read More

മുല്ല

വാടും മുമ്പേ കൊഴിഞ്ഞുവീണ മുല്ലപ്പൂക്കൾ.. അവസാന ഗന്ധം മണ്ണിലേക്ക് കിനിയവേ…. മണ്ണ് പറഞ്ഞു : “ഞാൻ വെറുമൊരു മണ്ണാണ്..” മുല്ലച്ചെടി ചില്ലതാഴ്ത്തി  : “എൻ്റെ…
Read More

യാ ഇലാഹി ടൈംസ്

ലളിതമായ ഭാഷയിൽ നോൺ ലീനിയർ ശൈലിയിൽ എഴുതപ്പെട്ട നോവലാണ് അനിൽ ദേവസ്സിയുടെ ‘യാ ഇലാഹി ടൈംസ്’. ദുബായിൽ പ്രവാസിയായി ജീവിക്കുന്ന പ്രധാന കഥാപാത്രം സിറിയൻ…
Read More

പഴുത്

ഉച്ചരിക്കാനാകാത്ത വാക്ക് പോലെ എന്‍റെയുള്ളിൽ എന്തോ പിടയ്ക്കുന്നുണ്ട്, നീയുറങ്ങുമ്പോൾ അരികിൽ ഉറങ്ങാതെയിരുന്ന് ഞാനതിനെ തുറന്ന് പറത്തിവിടുന്നതായി നിനച്ചിരിക്കും.. നിന്‍റെയുള്ളിലെ പഴുതുകൾ ഞാൻ തിരയുന്നുണ്ട്, എന്നെങ്കിലുമൊരിക്കലവയിലൊന്നിലൂടെ…
Read More

വീണ്ടും

ഓർമ്മകളുടെ നൂലിഴകൾ പതിയെ വലിച്ചുമാറ്റി ജീവിതത്തിൻ്റെ നെയ്ത്തുശാലയിൽ അപരിചിതരായി നമുക്ക് വീണ്ടും കണ്ടുമുട്ടണം പാകമാവാത്ത ഉടുപ്പുകൾ തന്നെ വീണ്ടുമെടുത്തണിയാൻ…. ANTON Share via: 21…
Read More

ആംബ്രോസിൻ്റെ ക്ഷണക്കത്ത്

സ്കള്ളേർസിൻ്റെ ഗ്രൂപ്പിൽ പൊട്ടിച്ചിരി സ്മൈലികളുടെയും അൺപാർലിമെൻ്റെറി വാക്കുകളുടെയും ഒരു പെരുമഴ കണ്ടാണ് ഞാൻ ഫോൺ കയ്യിലെടുത്തത്. മുകളിലോട്ട് സ്ക്രോൾ ചെയ്തു നോക്കുമ്പോൾ കോയ, ഒരു…
Read More

കണ്ണാടിഗുഹ

ഒരിക്കൽ കയറിപ്പോയാൽ തിരിച്ചിറങ്ങാനാവാതെ ദിശയറിയാതെയലയാൻ മാത്രം കഴിയുന്ന കണ്ണാടിഗുഹ പോലെയാണ് എനിക്ക് നിൻ്റെ മനസ്സ്. എവിടെത്തിരിഞ്ഞാലും ഒരായിരം പ്രതിബിംബങ്ങളായി വിഭ്രമമുണർത്തി നിന്നിൽ ഞാൻ നിറഞ്ഞുനിൽക്കും…
Read More

അമൃതം

രാജാവ് കവിയായിരുന്നു,ഭാവനാവിലാസം കൊണ്ട് സമ്പന്നനും.രാജ്യത്തെ ഓരോ തൂണിനും തുരുമ്പിനുംകവിത തുളുമ്പുന്ന പേരിട്ടു രാജാവ് ആത്മനിർവൃതി കൊണ്ടു.പ്രജകൾക്കിടയിലേക്ക് ജീവനില്ലാത്തതെങ്കിലുംകവിതാമയമായ വാക്കുകളെകൃത്രിമ ചിറകുവച്ച് പറത്തിവിട്ടുഎന്നിട്ടും ‘വാക്കാണ്, അറിവാണ്…