കരിമേഘക്കെട്ടിനൊത്ത
മുടിയൊതുക്കി
കുസൃതിയൊളിപ്പിച്ച
മിഴികൾ പാതിയടച്ച്
ധ്യാനത്തിലെന്ന പോലിരുന്ന
ചിത്രേടത്തിക്ക് ചുറ്റും
ഇരുട്ടിനെ തല വഴി പുതച്ച്
അന്ന് ഞങ്ങൾ, കുട്ടികൾ
കഥ കേൾക്കാനിരുന്നു.
ഒരു തിരിവെട്ടം പോലും
വേണ്ടെന്ന് ഏടത്തി മന്ത്രിച്ചു.
ഇരുട്ടുപോലെ കറുത്ത ചിത്രേടത്തിയുടെ
സുന്ദരമായ കണങ്കാലുകളെ കെട്ടിപ്പിടിച്ച്
കിടന്ന വെള്ളിക്കൊലുസ്സുകൾ മാത്രം തിളങ്ങി,
കിലുങ്ങി, ഇരുട്ടിനെ പരിഹസിച്ചു ചിരിച്ചു.
കിനാവുകളിൽ കുതിർന്നു മധുരതരമായ
ഏടത്തിയുടെ താഴ്ന്ന സ്വരത്തിൻ്റെ
നൂലിൽ പിടിച്ച്
മാടനും മറുതയും
യക്ഷിയും
ഞങ്ങളെ തേടി വന്നു.
കിലുകിലെ വിറച്ചുകൊണ്ട് ഞങ്ങൾ
പരസ്പരം ഇറുകെപ്പിടിച്ചിരുന്നു.
കുലുങ്ങിചിരിച്ചുകൊണ്ട്
മുട്ടോളം മുടിയും മുറുക്കിച്ചുവന്ന
ചുണ്ടുകളുമുള്ള ഏതോ സുന്ദരിപ്പെണ്ണ്
ഞങ്ങളുടെ മുന്നിൽ ജ്വലിച്ചു നിന്നു.
എവിടെ നിന്നറിയാതെ ഉയരുന്ന
മധുര നാദത്തിനൊത്ത്
ചിലങ്കയണിഞ്ഞ അവളുടെ പാദങ്ങൾ
നിലം തൊടാതെ
നൃത്തം ചെയ്തുകൊണ്ടിരുന്നു.
ചുറ്റും വീശിയടിച്ച ചുഴലിയിൽ
ആടിയുലഞ്ഞ കരിമ്പനകളുടെ മർമരം
ഞങ്ങളിൽ നിറഞ്ഞു.
പാല പൂത്ത മദിപ്പിക്കുന്ന ഗന്ധത്തിൽ
തല പെരുത്തു ഞങ്ങൾ
സ്വയം മറന്നിരിക്കുമ്പോൾ
കണ്ണഞ്ചിപ്പിച്ചുകൊണ്ട്
വെളിച്ചത്തിൻ്റെ പുഴയൊഴുകി.
ബോധം മറയുന്നതിനു മുൻപേ,
പാറുന്ന കരിമേഘങ്ങൾക്കിടയിൽ
വാക്കുകകളില്ലാത്ത പാട്ടിനു ചുവടുവച്ച്
പ്രകാശധാരയുടെ തുഞ്ചത്തേക്ക്
ഉയർന്നു മറയുന്ന ചിത്രേടത്തിയെ
ഞങ്ങളൊരു നൊടി കണ്ടു.
പുലരിയെത്തുമ്പോൾ
ഓർമത്തെറ്റു പോലെ ഞങ്ങൾക്കരികിൽ
രണ്ട് വെള്ളിക്കൊലുസ്സുകളനാഥമായി കിടന്നു.
അങ്ങിങ് ചിതറിക്കിടന്നിരുന്ന
പാലപ്പൂക്കൾ പെറുക്കിക്കൊണ്ട്
ഞങ്ങൾ ചിത്രേടത്തിയെ തിരഞ്ഞുനടന്നു….


PHOTO CREDIT : ELEONORA

 

Affiliate Disclosure: Some of the links or advertisements in the wordket website are affiliate links or advertisements, meaning, at no additional cost to you. We will earn a commission, if you click through and make a purchase. Thank you 🙂

Leave a Reply

You May Also Like
Read More

കത്തുന്ന നഗരങ്ങൾ

മരണങ്ങൾക്ക് നടുവിലാണ് നമ്മൾ അത്രമേൽ ജീവിക്കുക.. രാപ്പൂക്കളെപ്പോലെ നമ്മുടെ ആകാശങ്ങളിൽ യുദ്ധം ജ്വലിച്ചുവിടർന്നുനിൽക്കുമ്പോൾ. ഉത്സവരാവുകളിലെ പ്രകാശധാര കണക്കിന് മിസൈലുകൾ നമ്മുടെ കൂരകൾക്ക് മേലെ വിടർന്നു…
Read More

ബാങ്കുകളിൽ നിന്ന് പണം പിൻവലിക്കുന്നതിന് നികുതി കൊടുക്കേണ്ടതുണ്ടോ?

2020ലെ കേന്ദ്ര ബജറ്റ് നിർദേശപ്രകാരം ഇൻകം ടാക്സ് നിയമം 1961 വകുപ്പ് 194 N ഭേദഗതി ചെയ്യപ്പെട്ടു. ഈ ഭേദഗതി പ്രകാരം ബാങ്കിൽ നിന്ന്…
Read More

പോളിസി

മാസ്കിന് കീഴെ വിയർപ്പ് പൊടിഞ്ഞ മൂക്കിൻ തുമ്പിൽ അനുഭവപ്പെട്ട ചൊറിച്ചിൽ മാറ്റാൻ മാസ്ക് അഴിക്കാതെ തന്നെ ഒരു പരിഹാരം കണ്ടെത്താൻ ശ്രമിക്കുകയായിരുന്നു ഞാൻ. പേന…
Read More

അതിര്..ആകാശം..ഭൂമി!

അവര്‍ തീമഴ പെയ്യുന്ന ഭൂപടങ്ങളില്‍ മുറിവേറ്റ നാടിൻ്റെ വിലാപങ്ങളെ ചുവന്ന വരയിട്ട് അടയാളപ്പെടുത്തും. വീട്ടിലേക്ക് ഒരു റോക്കറ്റ് വന്ന വഴി കൂട്ടുകാരിയുടെ കുഴിമാടത്തിലേക്കു നീട്ടിവരയ്ക്കുന്നു.…
Read More

അവൾ

കരിമഷി എഴുതി കുസൃതി ചിരി ഒളിപ്പിച്ചുവെച്ച കൺതടങ്ങളിൽ തെളിഞ്ഞുനിന്ന വെൺമേഘശകലങ്ങൾക്കു താഴെ നാസികാഗ്ര താഴ്വരകളിൽ വെട്ടിത്തിളങ്ങും കല്ലുമൂക്കുത്തിക്ക് കീഴെ, നിമിഷാർദ്ധങ്ങളിൽ ഇടവിട്ട് പൊട്ടിച്ചിരിക്കും വായാടീ,…
Read More

തുരുത്ത്

പുഴയുടെ നടുവിൽ, കൈകാലുകൾ കുഴയുന്നത് വരെ നീന്തിയിട്ടും എത്തിച്ചേരാൻ കഴിയാത്ത, ഒരു തുരുത്ത് ഞാൻ സ്വപ്നം കാണാറുണ്ട്, മിക്കപ്പോഴും. വെളിച്ചത്തിലേക്ക് കണ്ണ് തുറക്കുമ്പോൾ മറയുന്ന…
Read More

താളം

നിശ്ചലതയിൽ നിന്നും ഉയിർ വീണ്ടെടുത്ത രണ്ടു തുടിപ്പുകൾ പോലെ ഭൂഖണ്ഡങ്ങൾ അകലെയെങ്കിലും പുതുതായി പിറവി കൊണ്ട രണ്ടു ചെറുറിപ്പബ്ലിക്കുകളുടെ പാരസ്പര്യത്തോടെ ഞാൻ നിന്നെയും നീയെന്നെയും…
Read More

ഇരുളും വെളിച്ചവും

ഓരോ അടിവയ്പ്പിലും അവൾ കിതയ്ക്കുകയായിരുന്നു. ആ ചെറിയ കുന്ന് ഹിമാലയം പോലെ ദുഷ്കരമായി ഭീമാകരമായി അവൾക്ക് തോന്നി. അവൾക്കു മുന്നിലായി ഏറെ ദൂരം നടന്നുകയറി…
Read More

ഏകാന്തത

ഏകാന്തത ഒരു സമാന്തര ലോകമാണ് അതിവിശാലമായ ഒരു സ്വതന്ത്രറിപ്പബ്ലിക്ക് മൗനമാണ് ഭാഷ.. ആരെയും കൂസാത്ത ചിന്തകൾ തെരുവുകളിലലഞ്ഞു തിരിയുന്നു ഉണർവിനും ഉറക്കത്തിനുമിടയിലെ നേർത്ത വരമ്പിലൂടെത്തി…
Read More

മിന്നൽ മുരളി

അങ്ങനെ ഇന്ത്യയുടെ സ്വന്തം സൂപ്പർഹീറോ മിന്നൽ മുരളി ബേസിൽ ജോസഫിൻ്റെ സംവിധാനത്തിൽ മലയാളികളുടെ മനസ്സിലേക്ക്. വൻ ബഡ്ജറ്റ് ഹോളിവുഡ് സൂപ്പർഹീറോ സിനിമകളുമായി താരതമ്യം ചെയ്യാൻ…
Read More

കോവിഡ്-19 വിവരങ്ങൾ വാട്ട്സാപ്പിലും

ലോകത്തിലെ മുഴുവൻ ആളുകൾക്കും കൊറോണ വൈറസിനെ സംബന്ധിച്ചുള്ള ഏറ്റവും പുതിയതും വിശ്വസനീയവുമായ വിവരങ്ങൾ വാട്ട്സാപ്പ്‌ വഴി ലഭിക്കുന്നതിനുള്ള സന്ദേശ സേവനം ലോകാരോഗ്യ സംഘടന ആരംഭിച്ചു.…
Read More

തലമോടികൾ

ഉറക്കമെണീറ്റാലന്തിവരെയെത്ര തലമോടികൾ വകഞ്ഞും ചീവിയും ചീകാതെയും നരച്ചും ചെമ്പിച്ചും കറുത്തും പിരിഞ്ഞും പിരിയാതെയും നീർത്തും തൂക്കിയും ചുരുട്ടിയും തലമോടിയെച്ചിന്തിച്ചുറക്കമില്ലാരാത്രികൾ അതിലൊരു രാത്രിയിൽ മരണം പാതിമെയ്യായ…
Read More

ബാധ്യത

ബാധ്യതകളാണെൻ്റെ സമ്പത്ത്; മോഷ്ടിക്കാനാരും വരില്ലല്ലോ! @ആരോ PHOTO CREDIT : RFP Share via: 10 Shares 3 1 1 1 4…