വസന്ത് എസ് സായി സംവിധാനം ചെയ്ത മൂന്ന് കാലഘട്ടങ്ങളിൽ ജീവിച്ച മൂന്ന് പെണ്ണുങ്ങളുടെ കഥ പറയുന്ന ‘ശിവരഞ്ജിനിയും ഇന്നും സില പെണ്‍കളും’ എന്ന തമിഴ് സിനിമ ഒടിടിയിൽ ഇറങ്ങി.

80കളിൽ നടക്കുന്ന ആദ്യത്തെ കഥയിൽ തനിക്ക് ഒരു പിന്തുണയും നല്കാത്ത, ഭാര്യയെ തല്ലുന്നത് സ്വന്തം അവകാശമായി കരുതുന്ന ഭർത്താവിനെ പൂർണമായും ആശ്രയിച്ചു ജീവിക്കുന്ന സരസ്വതി (വേഷമിടുന്നത് കാളീശ്വരി ശ്രീനിവാസൻ) ആണ് നായിക. മുഖത്ത് വീഴുന്ന ഒരടി, വാക്കുകൊണ്ട് തടഞ്ഞതിൻ്റെ പേരിലാണ് സരസ്വതിക്ക് തൻ്റെ ദാമ്പത്യം നഷ്ടമാവുന്നത്.

90കളിൽ നടക്കുന്ന അടുത്ത കഥയിൽ പാർവതി തിരുവോത്ത് അവതരിപ്പിക്കുന്ന ദേവകിയാണ് നായിക. ഉദ്യോഗസ്ഥയും അല്പം ‘പ്രിവിലേജ്ഡ്’ഉം ആയി തുടക്കത്തിൽ കാണപ്പെടുന്നവളാണ് ദേവകി. പക്ഷേ എത്ര പ്രിവിലേജ്ഡ് ആയാലും ഒരു മനുഷ്യൻ്റെ ഏറ്റവും ലളിതമായ സ്വകാര്യതയായ ഒരു ഡയറി സൂക്ഷിക്കാൻ പോലും ദാമ്പത്യം ദേവകിയെ അനുവദിക്കുന്നില്ല.

അടുത്ത കഥയിൽ 2007 കാലഘട്ടത്തിൽ സ്കൂൾ കോളേജ് തലങ്ങളിൽ പ്രശസ്തിയാർജിച്ച അത്‌ലറ്റ് ആയിട്ടാണ് നായികയായ ശിവരഞ്ജിനിയെ  (ലക്ഷ്മിപ്രിയ ചന്ദ്രമൗലി) നാം പരിചയപ്പെടുക. നാഷണൽ തലത്തിൽ മത്സരിക്കാനിരുന്ന ശിവരഞ്ജിനിക്ക് വിവാഹത്തോടെ കായികരംഗത്തിൽ നിന്ന് പൂർണമായും വിട പറയേണ്ടി വരുന്നു. കളിക്കളത്തിൻ്റെ വിശാലതയിൽ നിന്ന് ഒരടുക്കളയിലേക്ക് അവളുടെ ജീവിതം ഇടുങ്ങിപ്പോകുന്നു.

വിവാഹശേഷമുള്ള 10 വർഷം കൊണ്ടു സ്വന്തം അസ്തിത്വം പൂർണമായും മറന്നത് പോലെ, ഭർത്താവിനും കുട്ടിക്കും വേണ്ടി ഓടിനടക്കുന്ന, അടുക്കളയിൽ ഭൂരിഭാഗം സമയവും ചിലവിടുന്ന ഒരുവൾ ആയാണ് ശിവരഞ്ജിനിയെ നാം പിന്നീട് കാണുന്നത്.

വീട്ടമ്മയായവൾക്കും ഉദ്യോഗസ്ഥയായവൾക്കും നേട്ടങ്ങളുടെ പട്ടിക നിരത്താനുണ്ടായിരുന്ന കായികതാരത്തിനും ആത്യന്തികമായി വിധി ഒന്നു തന്നെയാണ്. ജീവിക്കുന്ന കാലഭേദമന്യേ സ്ത്രീ ആയതുകൊണ്ട് മാത്രം പാട്രിയർകൽ ആയ ദാമ്പത്യം അവർക്ക് നൽകുന്നത് നഷ്ടങ്ങളാണ് എന്ന സത്യമാണ് മൂന്ന് കഥകളെയും ബന്ധിപ്പിക്കുന്നത്. സ്ത്രീകൾക്ക് ഏറ്റവും സുരക്ഷിതമായ ഇടം സ്വന്തം വീടും കുടുംബവും ആണ് എന്ന പൊതുധാരണ എത്ര വലിയ കള്ളം ആണെന്ന് സിനിമ നമ്മളെ മൗനമായി ഓർമ്മിപ്പിക്കുന്നു.

നിരന്തരമായ മുഷിപ്പിക്കുന്ന വീട്ടുജോലികളിലും ഉത്തരവാദിത്വങ്ങളിലും കുടുങ്ങിപ്പോകുന്ന മൂന്നുപേരും ഒരിക്കലെങ്കിലും ആ ‘വിഷ്യസ് സർക്കിൾ’ ഇൽ നിന്ന് കരക്ക് കയറി നഷ്ടപ്പെട്ട സ്വന്തം വ്യക്തിത്വത്തെ തിരഞ്ഞു പിടിക്കാൻ ശ്രമിക്കുന്നത് പ്രതീകാത്മകമായി കാണിക്കുന്നുമുണ്ട്.

മലയാളത്തിൽ ഇറങ്ങിയ ‘ഗ്രേറ്റ്‌ ഇന്ത്യൻ കിച്ചൻ’നോട്‌ ചേർത്ത് വയ്ക്കാവുന്ന ആന്തോളജി. സംവിധാനവും ക്യാമറയും നടീനടന്മാരുടെ സ്വാഭാവികത നിറഞ്ഞ അഭിനയവും വളരെ മികച്ചത്.


PHOTO CREDIT : RFP

 

Affiliate Disclosure: Some of the links or advertisements in the wordket website are affiliate links or advertisements, meaning, at no additional cost to you. We will earn a commission, if you click through and make a purchase. Thank you 🙂

Leave a Reply

You May Also Like
Read More

അതിര്..ആകാശം..ഭൂമി!

അവര്‍ തീമഴ പെയ്യുന്ന ഭൂപടങ്ങളില്‍ മുറിവേറ്റ നാടിൻ്റെ വിലാപങ്ങളെ ചുവന്ന വരയിട്ട് അടയാളപ്പെടുത്തും. വീട്ടിലേക്ക് ഒരു റോക്കറ്റ് വന്ന വഴി കൂട്ടുകാരിയുടെ കുഴിമാടത്തിലേക്കു നീട്ടിവരയ്ക്കുന്നു.…
Read More

ജയ ജയ ജയ ജയ ഹേ

വിപിൻ ദാസ് സംവിധാനം ചെയ്ത ജയ ജയ ജയ ജയ ഹേ എന്ന സിനിമയിൽ ‘ഇങ്ങോട്ട് നോക്കണ്ട കണ്ണുകളെ’ എന്ന് തുടങ്ങുന്ന ഒരു ഗാനമുണ്ട്.…
Read More

കത

ആദ്യമായി ഫേസ്ബുക്കിൽ പ്രസിദ്ധീകരിക്കപ്പെടുകയും വളരെ പെട്ടെന്ന് തന്നെ വായനക്കാരുടെ ശ്രദ്ധയിൽ വരികയും അവിടെ മായാത്ത ഇടം നേടുകയും ചെയ്ത നോവലാണ് ആർ രാജശ്രീ എഴുതിയ…
Read More

ഒരു പ്രതിധ്വനി

എവിടേക്കെന്നില്ലാതെ വളഞ്ഞ് പുളഞ്ഞൊഴുകുന്നൊരു കുഞ്ഞുപുഴയിലെ ചെറുമീനുകളെന്ന പോൽ നമ്മളങ്ങനെ അനന്തനീലിമയിലേക്ക് ഒന്നു ചേർന്നങ്ങനെ… ഓളങ്ങളിൽ മുങ്ങിപ്പൊങ്ങിയങ്ങനെ ഇടയ്ക്കിടെ നിറം മാറിയും മുഖം മാറ്റിയും കുഞ്ഞിക്കണ്ണുകൾക്ക്…
Read More

നിന്നോട് പറയാനുള്ളത്

പകലിൽ നിന്നെ സ്വതന്ത്രനാക്കുന്ന നിശബ്ദതയല്ല എൻ്റെയുള്ളിൽ രാവു കനക്കുമ്പോൾ മാത്രം രസമുയരുന്ന നിൻ്റെ പ്രണയമാപിനിയുടെ താപോന്മാദത്തിൽ ഞാനുരുവിടുന്ന നിരർത്ഥ ജല്പനങ്ങളുമല്ലത് പകലിനുമിരവിനുമിടയിൽ ഞാനെവിടെയോ സ്വയം…
Read More

അദൃശ്യമായ കാൽപ്പാടുകൾ

ഇത്തവണ പാരുൾ എന്നെ വിളിക്കുമ്പോൾ കേരളത്തിൽ 2021ലെ അടച്ചുപൂട്ടൽ തുടങ്ങിയിരുന്നു. അന്ന് അവളുടെ വിവാഹവാർഷികമായിരുന്നു എന്ന് പാരുൾ പറഞ്ഞു. രണ്ടു മാസത്തിൽ ഒരിക്കലെങ്കിലും അവൾ…
Read More

ആംബ്രോസിൻ്റെ ക്ഷണക്കത്ത്

സ്കള്ളേർസിൻ്റെ ഗ്രൂപ്പിൽ പൊട്ടിച്ചിരി സ്മൈലികളുടെയും അൺപാർലിമെൻ്റെറി വാക്കുകളുടെയും ഒരു പെരുമഴ കണ്ടാണ് ഞാൻ ഫോൺ കയ്യിലെടുത്തത്. മുകളിലോട്ട് സ്ക്രോൾ ചെയ്തു നോക്കുമ്പോൾ കോയ, ഒരു…
Read More

വൈറസ്

ഏകാന്തത ഒരു മാരക വൈറസ് ആണെന്ന് പലപ്പോഴും ഞാൻ വിചാരിക്കാറുണ്ട്. നമ്മുടെ അനുവാദമില്ലാതെ തന്നെ, തൻ്റെ നിശബ്ദ ശല്കങ്ങളാൽ അത് നമ്മെ സ്പർശിക്കും.. പിന്നെ,…
Read More

കാഴ്ച്ച

രാത്രിയിൽ എപ്പഴോ മിന്നലിന്‍റെ ഒരിറ്റ് വെളിച്ചം കണ്ണിനെ ഉണർത്തി. മനസ്സ് അപ്പോഴും ഉറക്കത്തിലായിരുന്നു. കൺപീലികൾ കാറ്റിൽ അനങ്ങിക്കൊണ്ടേയിരുന്നു. വലിയ മഴകളിൽ മാത്രം നനയുന്ന ഒരു…
Read More

ഏകാന്തതയുടെ രാജകുമാരി

അങ്ങകലെ നീ എന്തുചെയ്യുന്നു എന്നെനിക്കറിയില്ല. മൂടൽമഞ്ഞിലെന്നപോലെ അവ്യക്തമായ്‌ തെളിയുന്ന നിൻ്റെ രൂപം,  പരിഭവങ്ങളും പരാതികളും വിമർശനങ്ങളുമായി വാക്കുകളാലെന്നെ തേടിയണയും നേരങ്ങളിലൊന്നിൽ ഒരു യാത്രമൊഴിപോലെ മിന്നിയകലുന്ന…
Read More

അയ്യങ്കാളിയുടെ പോരാട്ടം – ചരിത്രവും പശ്ചാത്തലവും : ഭാഗം 1

മലയാള നാട്ടിൽ മണ്ണിൻ്റെ ഉടമകളും നാടുവാഴികളുമായിരുന്ന ഒരു ജനതയെ അടിമകളാക്കുകയും തുടർന്ന് പൊതുവഴിയിൽ നടക്കുന്നതും, നല്ല വസ്ത്രം ധരിക്കുന്നതും, വിദ്യാലയങ്ങളിൽ പ്രവേശിക്കുന്നതും, പണിക്ക് അർഹമായ…
Read More

ആ അവ്യക്ത ചിത്രം

മടിച്ചു നിൽക്കാതെ മുഖം ചുളിക്കാതെ ഉഷാറായി എന്നും യാത്രചെയ്യാൻ ഇഷ്ടം ട്രെയിനിൽ തന്നെയാണ്. കുടുംബപരമായിട്ടു ആ ഇഷ്ടം പിന്തുടർന്ന് പോകുകയാണെന്ന് വേണമെങ്കിൽ പറയാം! ട്രെയിനിൽ…
Read More

19(1)(a)

19(1)(a) എന്ന ഒ ടി ടി റിലീസ് ചിത്രം ഇന്ദു.വി.എസ് എന്ന സംവിധായികയുടെ ആദ്യ ചിത്രമാണ്. പേര് സൂചിപ്പിക്കുന്നത് പോലെ തന്നെ ഫ്രീഡം ഓഫ്…
Read More

കത്തുന്ന നഗരങ്ങൾ

മരണങ്ങൾക്ക് നടുവിലാണ് നമ്മൾ അത്രമേൽ ജീവിക്കുക.. രാപ്പൂക്കളെപ്പോലെ നമ്മുടെ ആകാശങ്ങളിൽ യുദ്ധം ജ്വലിച്ചുവിടർന്നുനിൽക്കുമ്പോൾ. ഉത്സവരാവുകളിലെ പ്രകാശധാര കണക്കിന് മിസൈലുകൾ നമ്മുടെ കൂരകൾക്ക് മേലെ വിടർന്നു…