സ്കൂൾ പ്രവേശന, കാർഷിക, പണിമുടക്ക് സമരം

1904ൽ വെങ്ങാനൂരിൽ അയ്യങ്കാളി  സ്വന്തമായി കുടിപള്ളികൂടം സ്ഥാപിച്ചു. കേരളത്തിൽ ദളിതർക്ക് മാത്രമായി സ്ഥാപിക്കപ്പെട്ട ആദ്യത്തെ സ്കൂളായിരുന്നു. 1905-07 ൽ മിഷണറിമാർ, തോമസ് വാദ്ധ്യാർ തുടങ്ങിയവരുടെ പ്രവർത്തനഫലമായി പുലയർ, കുറവർ, പറയർ തുടങ്ങിയ വിഭാഗങ്ങളിലെ കുട്ടികൾക്ക് സ്കൂൾ പ്രവേശനം അനുവദിച്ചുള്ള ഉത്തരവ് ഇറങ്ങി. പക്ഷേ ആരും പദ്ധതി നടപ്പിലാക്കിയില്ല.

1907 : തങ്ങളുടെ കുഞ്ഞുങ്ങളെ സ്കൂളിൽ പ്രവേശിപ്പിക്കാനുള്ള ഉത്തരവ് നടപ്പിലാക്കാനായി പാടത്ത് പണിക്കിറങ്ങില്ല എന്ന് പറഞ്ഞ് നടത്തിയ ആദ്യ സംഘടിത കർഷകത്തൊഴിലാളി സമരം മഹാത്മാ അയ്യങ്കാളിയുടെ നേതൃത്വത്തിൽ തുടങ്ങി. തുടർന്ന് ഭാഗികമായി ഉത്തരവ് നടപ്പിലാക്കാനുള്ള ശ്രമങ്ങൾ തുടങ്ങി.

1910 : അയ്യങ്കാളിയുടെ നിരന്തരമായ പ്രവർത്തനങ്ങളുടെ ഫലമായി വീണ്ടും സ്കൂൾ പ്രവേശനം കർശനമായി നടപ്പിലാക്കണമെന്ന ഉത്തരവ് നിലവിൽ വന്നു. ഉത്തരവ് പൂർണ്ണമായി നടപ്പിലാക്കാത്തതിനാൽ വീണ്ടും സമരങ്ങൾ.

1912 : ഈഴവ കുട്ടികൾക്ക് പ്രവേശനം കിട്ടിയ സ്കൂളുകളിൽ പുലയ, പറയ, കുറവ കുട്ടികൾക്കും പ്രവേശനം അനുവദിച്ചുകൊണ്ടുള്ള ഉത്തരവ് വന്നു. പ്രവേശനം കിട്ടിയ കുട്ടികൾക്ക് പ്രജാ സഭയിൽ അയ്യങ്കാളി ഫീസ് ഇളവ് ആവശ്യപ്പെട്ടു.

മുഹമ്മദീയർക്ക് കൊടുക്കുന്ന ഫീസാനുകൂല്യം പുലയ, പറയ, കുറവ തുടങ്ങിയ കുട്ടികൾക്കും നേടിയെടുത്തു.

1914 : അയ്യങ്കാളി പ്രജാസഭാംഗം എന്ന നിലയിൽ സഭയിലും പുറത്തും സമരം തുടർന്നു. പ്രജാസഭ അംഗമെന്ന നിലയിൽ വിദ്യാഭ്യാസത്തിലൂടെ മാത്രമേ ഈ ജനവിഭാഗങ്ങളെ മുഖ്യധാരയിൽ എത്തിക്കാൻ കഴിയൂ എന്ന് മനസ്സിലാക്കി കൃത്യമായി ദിവാൻ്റെ മുമ്പിൽ കാര്യങ്ങൾ വ്യക്തതയോടെ അവതരിപ്പിച്ചു. വീണ്ടും സർക്കാർ ഉത്തരവ് വന്നു.

പ്രസിദ്ധമായ ഉരൂട്ടമ്പലം ലഹള അതിനൊത്തുടർന്നാണ്. ഉരൂട്ടമ്പലം പെൺ പള്ളിക്കൂടത്തിലേക്ക് പഞ്ചമി എന്ന പെൺകുട്ടിയുമായി അയ്യങ്കാളി എത്തി. അത്‌ തടയാൻ സവർണ്ണരും. തടയാനെത്തിയവരെ വകവെയ്ക്കാതെ ബലമായി സ്കൂൾ പ്രവേശനം നടത്തുക തന്നെ ചെയ്തു. അന്ന് രാത്രി വർണ്ണവെറിയന്മാർ അയ്യങ്കാളിയും പഞ്ചമിയും “അയിത്തമാക്കിയ” സ്ക്കൂൾ അഗ്നിക്കിരയാക്കി. തുടർന്ന് മാസങ്ങളോളം നീണ്ടു നിന്ന ഐതിഹാസികമായ കാർഷിക സമരം. പാടം മുഴുവൻ മട്ടിപ്പുല്ല് പിടിച്ച സമരം. മഹാത്മാ അയ്യങ്കാളിയുടെ നേതൃത്വപാടവവും തൻ്റെ ജനതയ്ക്കിടയിൽ അദ്ദേഹത്തിനുള്ള സ്വീകാര്യതയും വെളിവാക്കിയ സമരമായിരുന്നു അത്‌. പട്ടിണിയാവും അനന്തരഫലം എന്നറിഞ്ഞിട്ടും ഒറ്റക്കെട്ടായി ആ ജനത ലക്ഷ്യത്തിനു വേണ്ടി പിടിച്ചുനിന്നു. പ്രായമായവരും കുട്ടികളും മൃതപ്രായരായി. കാട്ടുചെടികളുടെ കിഴങ്ങും, ചേമ്പും, താളും, പിന്നെ വിഴിഞ്ഞത്തിനടുത്ത് മത്സ്യത്തൊഴിലാളികളുടെ സഹായവുമായി അല്പപ്രാണരായി നടത്തിയ ഐതിഹാസിക സമരം. പട്ടിണിയും മർദ്ദനങ്ങളും, ഉറ്റവരുടെ മരണങ്ങളും ആ സമരവീര്യത്തെ തകർത്തില്ല. പാടത്തിറങ്ങിയ ജന്മിമാർ തളർന്നുവീണു. തൊഴിലിടത്തെ ആവശ്യത്തിനല്ലാതെ മാസങ്ങൾ നീണ്ടു നിന്ന പണിമുടക്ക് സമരം നടത്തി സ്കൂൾ പ്രവേശനം നേടിയെടുത്ത സമരം അതിനാൽ ലോകം കണ്ട ഏറ്റവും മഹത്തായ വിപ്ലവ കർഷകത്തൊഴിലാളി സമരമായി കണക്കാക്കപ്പെടുന്നു. തങ്ങളുടെ സമൂഹത്തിൻ്റെ മുഖ്യധാര പ്രവേശനം വിദ്യാഭ്യാസത്തിലൂടെയാണ് എന്ന് തിരിച്ചറിഞ്ഞ് ഒരു ജനത അവരുടെ നേതാവിനാൽ നയിക്കപ്പെട്ട് വിജയിച്ച ഏക സമരം. ഈ സമരത്തെ ചരിത്രകാരന്മാർ കണ്ട്ല ലഹള എന്നാണ് വിളിച്ചത്.

1907 മുതൽ ചില സ്കൂളുകളിൽ സാധുജന കുട്ടികൾക്ക് പ്രവേശനം കിട്ടിയിരുന്നു. എന്നാൽ 1914 ലെ കണ്ട്ല ലഹളയാണ് സ്കൂൾ പ്രവേശനം എല്ലാ സ്കൂളുകളിലേക്കും വ്യാപിക്കാൻ ഇടയാക്കിയത്.

അയ്യങ്കാളിയുടെ നേതൃത്വത്തിലുള്ള സമരം തിരുവിതാംകൂറിലെ അടിച്ചമർത്തപ്പെട്ട വിഭാഗങ്ങൾക്ക് ആവേശമായി. പുല്ലാട്ട് (തിരുവല്ല – കോഴഞ്ചേരി) സ്കൂൾ പ്രവേശന സമരം ആരംഭിച്ചു. ഇവിടെയും വർണ്ണവെറിയന്മാർ സ്കൂൾ കത്തിച്ചു കളഞ്ഞു. പിന്നീട് തീ വെച്ച സ്‌കൂൾ എന്ന പേരിൽ ഈ സ്കൂൾ അറിയപ്പെടുകയും ഉണ്ടായി.

1916 : തീയങ്കരയിൽ പുലയസ്കൂൾ ആരംഭിച്ചു .

1917 : പ്രജാസഭയിൽ കുട്ടികൾക്ക് സ്കോളർഷിപ്പ് ആവശ്യപ്പെട്ടു. തുടർന്ന് അത് നടപ്പിലായി. ഇന്ന് കിട്ടുന്ന സ്കോളർഷിപ്പുകളുടെ തുടക്കം അതായിരുന്നു.

1919 : മതപരിവർത്തിതർക്കായി ശംഖുമുഖം സ്കൂൾ ആരംഭിച്ചു .

1920 : പ്രജാസഭയിൽ പഠനത്തോടൊപ്പം കുട്ടികൾക്ക് തൊഴിൽ പഠനം വേണം എന്നാവശ്യപ്പെട്ടു.

1920 : പ്രജാസഭയിൽ നാലാം ക്ലാസ്സുവരെ പുലയ, പറയ, കുറവ കുട്ടികൾക്ക് പ്രാഥമിക വിദ്യാഭ്യാസം നിർബന്ധമാക്കണമെന്നാവശ്യപ്പെട്ടു.

ഇന്ന് പ്രാഥമിക വിദ്യാഭ്യാസം നിർബ്ബന്ധമാക്കിയതിന് ഇന്ത്യൻ ജനത കടപ്പെടേണ്ടിയിരിക്കുന്നത് 1920 ൽ മഹാത്മാ അയ്യങ്കാളി നടത്തിയ പ്രജാസഭ പ്രസംഗത്തോടാണ്.

1922 : കുട്ടികൾക്ക് ഭക്ഷണമില്ല.. വിശന്നിരുന്നു പഠിക്കുന്നതു കൊണ്ട് പഠനത്തിൽ ശ്രദ്ധ പൂർണ്ണമല്ല. ഉച്ചക്കഞ്ഞി നല്കാൻ ഉത്തരവ് ഉണ്ടാകണം എന്ന് അയ്യങ്കാളി ആവശ്യപ്പെട്ടു. പിന്നീട് ഉച്ചക്കഞ്ഞി കൊടുത്തു തുടങ്ങി. ഭക്ഷണമില്ലാത്ത കുട്ടികൾക്ക് ഉച്ചക്കഞ്ഞി എന്ന ആശയം ആദ്യമായി മുന്നോട്ട് വച്ചതും മഹാത്മാ അയ്യങ്കാളി തന്നെ.

1923 : ഈ കുട്ടികൾക്ക് ഒന്നും രണ്ടും ക്ലാസ്സിൽ പ്രത്യേക ട്യൂഷൻ അനുവദിക്കണം. അതിന് അദ്ധ്യാപകർക്ക് പ്രത്യേക ഗ്രാൻ്റ് അനുവദിക്കണം എന്നിങ്ങനെ ഉള്ള ആവശ്യങ്ങൾ പ്രജാസഭയിൽ മുന്നോട്ട് വച്ചു. പട്ടികജാതി/വർഗ്ഗ വിദ്യാർത്ഥികൾക്ക് പിന്നീട് കിട്ടിയ സ്പെഷ്യൽ കോച്ചിംഗിൻ്റെ തുടക്കം അതായിരുന്നു.

തുടർന്നു വായിക്കുക..

GREG RAKOZY SHARON | RFP

 

Affiliate Disclosure: Some of the links or advertisements in the wordket website are affiliate links or advertisements, meaning, at no additional cost to you. We will earn a commission, if you click through and make a purchase. Thank you 🙂

Leave a Reply

You May Also Like
Read More

ഒഴുക്ക്

ഒഴുകുകയായിരുന്നു…..ഏതോ ഒരു ഒഴുക്കിലങ്ങനെ ദിക്കറിയാതെ ഒഴുകുകയായിരുന്നു; ശാന്തമായി, സുഖമമായി. ഇടക്കെവിടെയോ വച്ച് പാറക്കൂട്ടങ്ങളിൽ തട്ടി ചിന്നി ചിതറിയ തുള്ളികളിൽ ചിലത് ഒഴുക്കിനോടൊപ്പം വീണ്ടുമൊന്നിച്ചൊഴുകി. ചിലതാകട്ടെ…
Read More

പാഠം ഒന്ന്

‘ഉയരെ ‘ സിനിമ അല്പം വൈകിയിട്ടായാലും കണ്ടതിൻ്റെ ആവേശത്തിൽ സ്ത്രീപക്ഷപരമായ ഒരു ഫേസ്ബുക്ക് പോസ്റ്റ്‌ ഇടാനായി വാക്കുകളുമായി മല്പിടിത്തം നടത്തികൊണ്ടിരിക്കുമ്പോഴാണ്  അല്പം  വിഷണ്ണനായിട്ടിരിക്കുന്ന അഞ്ചാം…
Read More

അദൃശ്യമായ കാൽപ്പാടുകൾ

ഇത്തവണ പാരുൾ എന്നെ വിളിക്കുമ്പോൾ കേരളത്തിൽ 2021ലെ അടച്ചുപൂട്ടൽ തുടങ്ങിയിരുന്നു. അന്ന് അവളുടെ വിവാഹവാർഷികമായിരുന്നു എന്ന് പാരുൾ പറഞ്ഞു. രണ്ടു മാസത്തിൽ ഒരിക്കലെങ്കിലും അവൾ…
Read More

മുല്ല

വാടും മുമ്പേ കൊഴിഞ്ഞുവീണ മുല്ലപ്പൂക്കൾ.. അവസാന ഗന്ധം മണ്ണിലേക്ക് കിനിയവേ…. മണ്ണ് പറഞ്ഞു : “ഞാൻ വെറുമൊരു മണ്ണാണ്..” മുല്ലച്ചെടി ചില്ലതാഴ്ത്തി  : “എൻ്റെ…
Read More

ലക്ഷമണ രേഖ

പെണ്ണായി പിറന്നതു കൊണ്ട് മാത്രം വരയ്ക്കപ്പെട്ട ലക്ഷമണ രേഖകളാണ് ഇവിടെ മൊത്തം! @ആരോ PHOTO CREDIT : PIXABAY Share via: 19 Shares…
Read More

ഈറൻ

ഒരുപാട് കാലത്തിനിടയിൽ കണ്ടതിൽവെച്ച് മികച്ചൊരു ഹ്രസ്വചിത്രം. ജീവിതത്തിലെ മറക്കാൻ പറ്റാത്ത ഒരു ഏട് പറിച്ചു നട്ടതു പോലെയുണ്ട്. സാഹചര്യങ്ങളിലും സംസാരത്തിലും എന്തിനു പറയണം കഥാപാത്രങ്ങളുടെ…
Read More

ശിവരഞ്ജിനിയും ഇന്നും സില പെണ്‍കളും

വസന്ത് എസ് സായി സംവിധാനം ചെയ്ത മൂന്ന് കാലഘട്ടങ്ങളിൽ ജീവിച്ച മൂന്ന് പെണ്ണുങ്ങളുടെ കഥ പറയുന്ന ‘ശിവരഞ്ജിനിയും ഇന്നും സില പെണ്‍കളും’ എന്ന തമിഴ്…
Read More

നഷ്ടങ്ങൾ

അവസാനം, നഷ്ടങ്ങളെല്ലാം എന്റേതു മാത്രമാകുന്നു…. PHOTO CREDIT : SASHA FREEMIND Share via: 17 Shares 2 1 1 1 11…
Read More

എമർജൻസി ക്രെഡിറ്റ് ലൈൻ ഗ്യാരണ്ടി സ്കീം

കോവിഡ് കാലത്തെ അതിജീവിക്കുവാൻ വേണ്ടി പ്രഖ്യാപിക്കപ്പെട്ട കേന്ദ്ര സർക്കാരിൻ്റെ സാമ്പത്തിക പാക്കേജിലെ ഒരു പദ്ധതിയാണിത്. പ്രതിസന്ധിയിലായ സൂക്ഷ്മ ചെറുകിട ഇടത്തര മേഖലയെ(MSME) ഉത്തേജിപ്പിക്കുക എന്ന…
Read More

നിന്നോട് പറയാനുള്ളത്

പകലിൽ നിന്നെ സ്വതന്ത്രനാക്കുന്ന നിശബ്ദതയല്ല എൻ്റെയുള്ളിൽ രാവു കനക്കുമ്പോൾ മാത്രം രസമുയരുന്ന നിൻ്റെ പ്രണയമാപിനിയുടെ താപോന്മാദത്തിൽ ഞാനുരുവിടുന്ന നിരർത്ഥ ജല്പനങ്ങളുമല്ലത് പകലിനുമിരവിനുമിടയിൽ ഞാനെവിടെയോ സ്വയം…
Read More

വെയിൽചിത്രം

നിലാവിൽ വിരൽ തൊട്ട് ഞാൻ നിന്നെ വരയ്ക്കാൻ നോക്കുകയായിരുന്നു.. നിൻ്റെ കണ്ണുകൾ വരയ്ക്കാൻ കടലിൻ്റെ നീലിമ തിരയുകയായിരുന്നു.. നിൻ്റെ ചിരി വരയ്ക്കാൻ ഇളം വെയിലിൻ്റെ…
Read More

ഗുൽമോഹർ

ചില്ലകൾ എന്നേ ഉണങ്ങിവീണിരുന്നിട്ടും ആ തണലേറ്റ് നിന്ന സന്ധ്യകൾ കിനാവുകൾക്ക് പോലുമന്യമായി തീർന്നിട്ടും ഇലകളും പൂക്കളും മറവിയുടെയലകളിൽ ഒഴുകിയകന്നിട്ടും വേരുകളിനിയും അടരാതെ നിൽക്കുന്നു നമ്മുടെ…
Read More

വിജയത്തിനെത്ര രഹസ്യങ്ങൾ

പതിറ്റാണ്ടുകളായി മലയാളികളെ നിത്യം പ്രചോദിപ്പിക്കുന്ന ബി.എസ്. വാരിയരുടെ മറ്റൊരു വിശിഷ്ടകൃതി. സ്നേഹം, ബന്ധങ്ങൾ, സത്യസന്ധത, ക്ഷമ തുടങ്ങിയ ശാശ്വതമായ ജീവിത മൂല്യങ്ങൾ വളർത്തിയെടുക്കാൻ വായനക്കാരെ…