Affiliate Disclosure: Some of the links or advertisements below are affiliate links or advertisements, meaning, at no additional cost to you. We will earn a commission, if you click through and make a purchase. Thank you 🙂

മലയാളസാഹിത്യത്തിലെ താത്വികതയെ പരാമർശിച്ച് ഈയടുത്ത് ലോകസാഹിത്യത്തെ പറ്റി പരക്കെയും ആഴത്തിലും ഗ്രാഹ്യമുള്ള ഒരു സുഹൃത്ത് പറഞ്ഞ വാക്കുകൾ ഇതാണ്…

“ഏറ്റവും ലളിതമായ വാക്കുകളിൽ ഏറ്റവും ഉന്നതമായ താത്വികത വരച്ചിട്ട ഒരേയൊരു ലോകസാഹിത്യകാരനെയെ എനിക്ക് അറിയൂ.. അത്‌ ബഷീറാണ്”.

അതേ,ഒരു നൂറ്റാണ്ടു മുൻപേ ജനിച്ച് കാൽ നൂറ്റാണ്ട് മുൻപേ മണ്മറഞ്ഞു പോയ ആ വ്യക്തി ഇന്നും നമുക്ക് അഭിമാനമായി നില കൊള്ളുന്നു എന്നതാണ് സത്യം.

ഭാഷയുടെയും വ്യാകരണത്തിൻ്റെയും വേലിക്കെട്ടുകൾ പൊളിച്ചെഴുതി മലയാള സാഹിത്യത്തെ വിശ്വോത്തരമാക്കിയ എഴുത്തുകാരനാണ് വൈക്കം മുഹമ്മദ് ബഷീർ. അദ്ദേഹം വിശ്വസാഹിത്യം ചമച്ചത് കടിച്ചാൽ പൊട്ടാത്ത വാക്കുകൾ കൊണ്ടു മറിമായം കാണിച്ചല്ല, സാധാരണക്കാരൻ്റെ ജീവിതത്തോട് ചേർന്ന് നിൽക്കുന്ന ഭാഷയിൽ എഴുതിയാണ്. അതിസാധാരണക്കാരൻ്റെ ശൈലിയിൽ രചിച്ച ഹാസ്യാത്മകമായ രചനകൾ വായനക്കാരനെ ഒരുപോലെ ചിരിപ്പിക്കുകയും, ചിന്തിപ്പിക്കുകയും, കരയിപ്പിക്കുകയും ചെയ്തു..

വ്യാകരണം പോലുമില്ലാത്ത ഭാഷയിൽ എഴുതുന്നതിനെ അനുജനായ അബ്ദുൽ ഖാദർ വിമർശിക്കുന്നതായി ഒരു കൃതിയിൽ ഹാസ്യത്തോടെയും വാത്സല്യത്തോടെയും അദ്ദേഹം പറയുന്നുണ്ട്. ശരിയാണ്..അലക്കിത്തേച്ച വടിവൊത്ത ഭാഷയിൽ അദ്ദേഹം എഴുതിയതേയില്ല. ഇത് മലയാളത്തിലെ മറ്റേത് സാഹിത്യകാരനും അവകാശപ്പെടാൻ സാധിക്കാത്ത വിധം ബഷീറിനെ ജനകീയനാക്കി. തന്റേതുമാത്രമായ വാക്കുകളും ശൈലികളുമായിരുന്നു ബഷീറിൻ്റെ സവിശേഷത. അതുകൊണ്ട് തന്നെ അദ്ദേഹത്തിൻ്റെ രചനാരീതി ബഷീറിയൻ ശൈലി എന്നു തന്നെ അറിയപ്പെട്ടു.

“ജീ­വി­തം യൗ­വ­ന­തീ­ക്ഷ്‌­ണ­വും ഹൃ­ദ­യം പ്രേ­മ­സു­ര­ഭി­ല­വു­മാ­യി­രി­ക്കു­ന്ന ഈ   അ­സു­ല­ഭ­കാ­ല­ഘ­ട്ട­ത്തെ എ­ൻ്റെ പ്രി­യ­സു­ഹൃ­ത്ത്‌ എ­ങ്ങ­നെ വി­നി­യോ­ഗി­ക്കു­ന്നു?”

എന്നിങ്ങനെ തുടങ്ങി.. ബഷീറിൻ്റെ നായകൻ കേ­ശ­വൻ നാ­യർ` തന്റെ കാമുകിയായ സാ­റാ­മ്മ­യ്ക്ക് എഴുതിയ പ്രേമലേഖനത്തിന് പകരം വയ്ക്കാൻ മലയാളസാഹിത്യത്തിൽ ഇപ്പോഴും മറ്റൊന്നില്ല.

ബാല്യകാല സഖി, പാത്തുമ്മായുടെ ആട്, പ്രേമലേഖനം, മതിലുകൾ, ശബ്ദങ്ങൾ, ന്റൂപ്പുപ്പാക്കൊരാനേണ്ടാർന്ന്, പാവപ്പെട്ടവരുടെ വേശ്യ, മുച്ചീട്ടുകളിക്കാരൻ്റെ മകൾ, വിശ്വവിഖ്യാതമായ മൂക്ക്, വിഡ്ഢികളുടെ സ്വർഗം എന്നിങ്ങനെ മലയാളി എന്നും ഓർത്തുവയ്ക്കുന്ന രചനകൾ ബഷീറിയൻ തൂലികയിൽ നിന്ന് പിറവിയെടുത്തു.

ആദ്യകഥയായ ‘തങ്കം’ത്തിലെ നായകൻ കൂനനും ചട്ടുകാലനും കോങ്കണ്ണനുമായിരുന്നു. വ്യവസ്ഥാപിത ശൈലിയെ പടിക്ക് പുറത്ത് മാറ്റിനിർത്തിയ ബഷീർ കഥകളിൽ തോട്ടിയും കള്ളനും പിച്ചക്കാരനും മുച്ചീട്ടുകളിക്കാരനും വേശ്യയും മണ്ടനും ഒക്കെയായിരുന്നു നായകന്മാർ.. നമുക്ക് നൽകാനുദ്ദേശിച്ച ജീവിതദർശനങ്ങളെല്ലാം തന്നെ ഈ ലളിതകഥാപാത്രങ്ങളെക്കൊണ്ട് അദ്ദേഹം പറയിപ്പിച്ചു.

പ്രകൃതി നശിപ്പിക്കുന്ന മനുഷ്യനെതിരെയുള്ള ആഹ്വാനം 70 കളിൽ പ്രസിദ്ധീകരിച്ച “ഭൂമിയുടെ അവകാശികൾ” എന്ന കഥയിൽ ഉണ്ട്. ‘പുരുഷനോളം തന്നെ സ്വാതന്ത്ര്യം സ്ത്രീയ്ക്കുമുണ്ട്’ എന്ന് 1940 കളിൽ എഴുതപ്പെട്ട ‘അനുരാഗത്തിൻ്റെ ദിനങ്ങളി’ലെ നായകൻ പറയുന്നത് ഇന്ന് വായിക്കുമ്പോളും സന്തോഷം തന്നെയാണ്. പഴയ പ്രതാപകാലത്തെ ഓർത്ത് ദുരഭിമാനത്തോടെ ജീവിക്കുന്നവരെ എത്ര ഭംഗിയായാണ് ‘ന്റൂപ്പുപ്പാക്കൊരാനേണ്ടാർന്ന്’ എന്ന കൃതിയിൽ വിമർശിച്ചിരിക്കുന്നത്. നായികയായ കുഞ്ഞുപാത്തുമ്മയുടെ മിഥ്യാഭിമാനിയായ ഉമ്മയോട് ‘ആ ആന വെറുമൊരു കുഴിയാനയായിരുന്നെ’ന്ന് ബഷീർ ആ കഥയിലെ പുതുതലമുറയെക്കൊണ്ട് പറയിക്കുന്നു. തന്നെ പ്രേമിക്കുന്നതിനു കാമുകിയായ സാ­റാ­മ്മ­യ്ക്ക് ശമ്പളം നൽകിയ ആളാണ് 1943 ഇൽ എഴുതപ്പെട്ട പ്രേമലേഖനത്തിലെ നായകൻ കേശവൻ നായർ.

ഇങ്ങനെ കാലത്തിനു ബഹുദൂരം മുൻപേ സഞ്ചരിച്ച ബഷീറിയൻ കഥാപാത്രങ്ങൾക്ക് ഒരു നൂറു ഉദാഹരണങ്ങൾ.

ബഷീറിൻ്റെ എല്ലാ നോവലുകളും ദൈർഘ്യം കുറഞ്ഞവയായിരുന്നു എന്ന് നമുക്ക് കാണാൻ കഴിയും. പക്ഷേ ആശയങ്ങളാൽ സമ്പുഷ്ടമായിരുന്നു ഇവയെല്ലാം.

പ്രമേയത്തിലും ആഖ്യാനത്തിലും ഉള്ള വൈവിധ്യമാണ് ബഷീർസാഹിത്യത്തിൻ്റെ മറ്റൊരു പ്രത്യേകത..
ബഷീർ എഴുതിയ പ്രണയകഥകളാണ് പ്രേമലേഖനം, മതിലുകൾ, ബാല്യകാലസഖി, അനുരാഗത്തിൻ്റെ ദിനങ്ങൾ എന്നിവ. എന്നാൽ ഇവയോരോന്നും അങ്ങേയറ്റം വ്യത്യസ്തത പുലർത്തുന്നുണ്ട്.
(ബഷീർ എഴുതിയ പ്രണയകഥകളിൽ ഏറ്റവും അസാധാരണവും മനോഹരവുമായ കൃതിയായ മതിലുകൾ ആണ് വ്യക്തിപരമായി എനിക്ക് ഏറെ പ്രിയങ്കരം). സ്വന്തം ജീവിതം പശ്ചാത്തലമാക്കിയ ആവിഷ്കാരമാണ് പാത്തുമ്മായുടെ ആട് എന്ന നോവൽ. ഇതിൽ നിന്നെല്ലാം തികച്ചും വ്യത്യസ്തമാണ് ശബ്ദങ്ങൾ.

കഥകളിലും നോവലുകളിലും മാത്രം അദ്ദേഹത്തിൻ്റെ സാഹിത്യലോകം ഒതുങ്ങിയില്ല. ലേഖനങ്ങളും നാടകങ്ങളും തിരക്കഥകളും അദ്ദേഹം മലയാളത്തിന് സംഭാവന ചെയ്തിട്ടുമുണ്ട്.

പ്രധാന ഇന്ത്യൻ ഭാഷകളിലേക്കും വിദേശ ഭാഷകളിലേക്കും ബഷീറിൻ്റെ കൃതികൾ വിവർത്തനം ചെയ്യപ്പെട്ടു. ബാല്യകാലസഖി, ന്റുപ്പുപ്പാക്കൊരാനേണ്ടാർന്ന്, പാത്തുമ്മയുടെ ആട് എന്നിവ ഇന്ത്യയിലെ പ്രധാന ഭാഷകളിലേക്കും ഫ്രഞ്ച്, മലായ്, ചൈനീസ്, ജാപ്പനീസ് തുടങ്ങിയ വിദേശ ഭാഷകളിലും വിവർത്തനം ചെയ്തിട്ടുണ്ട്. മതിലുകൾ, ശബ്ദങ്ങൾ, പ്രേമലേഖനം എന്നീ കൃതികളും പൂവൻപഴം ഉൾപ്പെടെ 16 കഥകളുടെ ഒരു സമാഹാരവും ഇംഗ്ലീഷിൽ പ്രസിദ്ധീകരിച്ചിട്ടുണ്ട്. നീലവെളിച്ചം( ഭാർഗവീ നിലയം) എന്ന കഥയും മതിലുകൾ, ബാല്യകാല സഖി തുടങ്ങിയ നോവലുകളും ചലച്ചിത്രമായിട്ടുണ്ട്.

വൈക്കത്തിനടുത്ത് തലയോലപ്പറമ്പിൽ 1908ലാണ് വൈക്കം മുഹമ്മദ് ബഷീർ ജനിച്ചത്. ഫിഫ്ത്ത് ഫോമിൽ പഠിക്കുമ്പോൾ വീട്ടിൽ നിന്ന് ഒളിച്ചോടി ഇന്ത്യൻ നാഷണൽ കോൺഗ്രസ്സിൽ ചേർന്ന് ഉപ്പുസത്യാഗ്രഹത്തിൽ പങ്കെടുത്തു. സ്വാതന്ത്ര്യസമര സേനാനി എന്ന നിലയിൽ ജയിലിൽ കിടന്നിട്ടുണ്ട്. പത്തുവർഷം ഇന്ത്യയൊട്ടാകെ സഞ്ചരിച്ചു. കൂടാതെ ആഫ്രിക്ക, അറേബ്യ തുടങ്ങിയ രാജ്യങ്ങളിലും ചുറ്റിനടന്നു. ഹിമാലയ സാനുക്കളിലും ഗംഗാതീരത്തും ഹിന്ദു സന്യാസിയിയായും സൂഫിയായും കഴിച്ചുകൂട്ടി.

കേന്ദ്രസാഹിത്യ അക്കാദമി, കേരളസാഹിത്യ അക്കാദമി ഫെല്ലോഷിപ്പുകൾ, സാഹിത്യത്തിനും രാഷ്ടീയത്തിനുമായി നാലു നാമപത്രങ്ങൾ തുടങ്ങിയവ ലഭിച്ചു. 1982ൽ ഇന്ത്യാ ഗവൺമെന്റ് പത്മശ്രീ നൽകി ആദരിച്ചു. 1987ൽ കാലിക്കറ്റ് യൂണിവേഴ്സിറ്റി ഡോക്ടർ ഓഫ് ലെറ്റേഴ്സ് ബിരുദം നൽകി. പ്രേംനസീർ അവാർഡ്, ലളിതാംബിക അന്തർജനം സാഹിത്യ അവാർഡ്, മുട്ടത്തുവർക്കി അവാർഡ്, വള്ളത്തോൾ പുരസ്കാരം എന്നിവ ലഭിച്ചു. 1994 ജൂലായ് 5ന് ബഷീർ ഈ ലോകത്തോട് വിടപറഞ്ഞു.

ഈ ജൂലൈ 5 നു ബഷീറിൻ്റെ വേർപാടിന് 27 വർഷം ആകുമ്പോഴും പകരം വയ്ക്കാനില്ലാത്ത സുൽത്താൻ ആയി ബഷീർ മലയാളി വായനക്കാരുടെ മനസ്സിൽ തലയുയർത്തി നിൽക്കുന്നു….

GREG RAKOZY SHAMEEM

Leave a Reply

You May Also Like
Read More

എസ്ബിഐ വായ്പകളുടെ തിരിച്ചടവുകൾക്ക് മൊറട്ടോറിയം

കോവിഡ്-19 എന്ന മഹാമാരി മൂലം വ്യക്തികൾക്കും കച്ചവടസ്ഥാപനങ്ങൾക്കും ഉണ്ടാകുന്ന വരുമാന നഷ്ടത്തിലൂടെ ഒരു വൻ സാമ്പത്തിക പ്രതിസന്ധിയാണ് സൃഷ്ടിക്കപ്പെട്ടിരിക്കുന്നത്. ഇക്കാര്യം കണക്കിലെടുത്തുകൊണ്ട് ഇക്കൂട്ടർക്ക് ഒരു…
Read More

അതിര്..ആകാശം..ഭൂമി!

അവര്‍ തീമഴ പെയ്യുന്ന ഭൂപടങ്ങളില്‍ മുറിവേറ്റ നാടിൻ്റെ വിലാപങ്ങളെ ചുവന്ന വരയിട്ട് അടയാളപ്പെടുത്തും. വീട്ടിലേക്ക് ഒരു റോക്കറ്റ് വന്ന വഴി കൂട്ടുകാരിയുടെ കുഴിമാടത്തിലേക്കു നീട്ടിവരയ്ക്കുന്നു.…
Read More

പുറ്റ്

ഡി സി നോവല്‍ പുരസ്‌കാരത്തില്‍ ഷോര്‍ട്ട് ലിസ്റ്റ് ചെയ്യപ്പെട്ട കരിക്കോട്ടക്കരിക്കുശേഷം വിനോയ് തോമസ് എഴുതിയ നോവല്‍ ആണ് പുറ്റ്. തങ്ങളുടെ ഭൂതകാലങ്ങളുടെ കാണാ ചുമട്…
Read More

കാർഷിക സ്വർണ്ണ പണയത്തിനുള്ള സബ്സിഡി ജൂൺ 30 വരെ മാത്രം

കാർഷിക സ്വർണ്ണ പണയത്തിന് ലഭിച്ചിരുന്ന പലിശ സബ്സിഡിയിൽ മാറ്റം വന്നിരിക്കുകയാണ്. 2019 ഡിസംബർ മാസത്തിലെ റിസർവ് ബാങ്ക് ഉത്തരവ് പ്രകാരം കാർഷിക സ്വർണ്ണ പണയം…
Read More

നിൻ്റെ നഗരത്തിൽ

നീയില്ലാത്തൊരു ദിവസം നിൻ്റെ നഗരത്തിൽ എത്തുമ്പോൾ രാത്രിയിലും പകലൊളിച്ചു പാർക്കുന്ന തെരുവുകളിലാവും ഞാൻ അലയുക നിൻ്റെ പഴയ വീടിനു മുന്നിൽ വഴിവിളക്കിനു കീഴെ പണ്ടത്തെ…
Read More

ബാങ്കുകളിൽ നിന്ന് പണം പിൻവലിക്കുന്നതിന് നികുതി കൊടുക്കേണ്ടതുണ്ടോ?

2020ലെ കേന്ദ്ര ബജറ്റ് നിർദേശപ്രകാരം ഇൻകം ടാക്സ് നിയമം 1961 വകുപ്പ് 194 N ഭേദഗതി ചെയ്യപ്പെട്ടു. ഈ ഭേദഗതി പ്രകാരം ബാങ്കിൽ നിന്ന്…
Read More

കോവിഡ് ചികിത്സ ചിലവിനായ് എസ്ബിഐ യുടെ വായ്പ പദ്ധതി “കവച്”

2021 ഏപ്രിൽ ഒന്നിന് ശേഷം വ്യക്തികളോ അവരുടെ കുടുംബാംഗങ്ങളോ (ഭാര്യ/ഭർത്താവ്, മക്കൾ, ചെറുമക്കൾ, പിതാവ്/മാതാവ് അവരുടെ അച്ഛനമ്മമാർ) കോവിഡ് ബാധിതരായാലുള്ള ചികിത്സാ ചിലവിനായാണ് വായ്പ.…
Read More

വാഗ്ദാനങ്ങൾ

പൊള്ളയായ വാഗ്ദാനങ്ങളിൽ പാഴായിപോയ കുറെ ജന്മങ്ങളുണ്ട്‌. വാക്കിലും നോക്കിലും ഇഷ്ടങ്ങളൊന്നുത്തന്നെ എന്ന് കരുതിപോയവർ. അവരത്രേ ശരിക്കും പ്രണയിച്ചിരുന്നവർ! ശുഭം നിങ്ങൾക്കും എഴുതാം..ഒരു പക്ഷേ ഇതൊരു…
Read More

സന്ദർശനം

വെയിൽ കത്തിയാളുമൊരുച്ചനേരത്ത്ആരോ മറന്നിട്ട നാട പോലെ അനാഥമായൊരുപഴയ സ്റ്റേഷനിൽനിന്നെ കാണാനായി, അതിനായ് മാത്രം..ഞാൻ തീവണ്ടിയിറങ്ങുന്നത്ഉണർവിലെന്ന പോലത്രമേൽ വ്യക്തമായ്പുലരിയെത്തുന്നേരമെവിടെ നിന്നോ വന്നസ്വപ്നത്തിനൊടുവിൽ ഇന്നലെ കണ്ടു.. നീ…
Read More

കോവിഡ്-19 വിവരങ്ങൾ വാട്ട്സാപ്പിലും

ലോകത്തിലെ മുഴുവൻ ആളുകൾക്കും കൊറോണ വൈറസിനെ സംബന്ധിച്ചുള്ള ഏറ്റവും പുതിയതും വിശ്വസനീയവുമായ വിവരങ്ങൾ വാട്ട്സാപ്പ്‌ വഴി ലഭിക്കുന്നതിനുള്ള സന്ദേശ സേവനം ലോകാരോഗ്യ സംഘടന ആരംഭിച്ചു.…
Read More

ഇമോജികൾക്ക് പറയാനുള്ളത്

നിൻ്റെ വാക്കുകളുടെ കടലിൽ പൊരുൾ തേടി, ദിശ തെറ്റിയലഞ്ഞ നാളുകൾ തുറക്കാനാവാത്ത പഴയൊരു മെസ്സേജ് പോലെ പോയ കാലത്തിൻ്റെ ഓർമ്മകളുടെ ഇൻബോക്സിലെവിടെയോ കിടക്കുന്നു ഇപ്പോൾ…
Read More

അയ്യങ്കാളിയുടെ പോരാട്ടം – ചരിത്രവും പശ്ചാത്തലവും : ഭാഗം 2

പൊതു വഴിയിലൂടെയുള്ള സഞ്ചാരസ്വാതന്ത്ര്യത്തിനുള്ള സമരം 1893 : പട്ടിക്കും പൂച്ചയ്ക്കും പോലും നടക്കാവുന്ന പൊതുവഴിയിലൂടെ പുലയരുൾപ്പടെയുള്ള സാധുക്കൾക്ക് നിഷേധിക്കപ്പെട്ടിരുന്ന ഇരുണ്ട കാലഘട്ടം. സഞ്ചരിക്കാനുള്ള അവകാശത്തിനു…
Read More

വൈറസ്

ഏകാന്തത ഒരു മാരക വൈറസ് ആണെന്ന് പലപ്പോഴും ഞാൻ വിചാരിക്കാറുണ്ട്. നമ്മുടെ അനുവാദമില്ലാതെ തന്നെ, തൻ്റെ നിശബ്ദ ശല്കങ്ങളാൽ അത് നമ്മെ സ്പർശിക്കും.. പിന്നെ,…
Read More

പണം പിൻവലിക്കാൻ ഇളവുകളുമായി എസ്ബിഐ

കോവിഡ് 19 മഹാമാരിയുടെ പശ്ചാത്തലത്തിൽ അക്കൗണ്ടുള്ള ശാഖയിൽ നിന്നല്ലാതെ അന്യ ശാഖകളിൽ നിന്ന് പണം പിൻവലിക്കുന്നത് സംബന്ധിച്ച നിബന്ധനകളിൽ സ്റ്റേറ്റ് ബാങ്ക് ഓഫ് ഇന്ത്യ…