Affiliate Disclosure: Some of the links or advertisements below are affiliate links or advertisements, meaning, at no additional cost to you. We will earn a commission, if you click through and make a purchase. Thank you 🙂

 

മോൾക്ക് ഒരു സ്കൂളിൽ ജോലി ശരിയാവുന്നുണ്ടെന്നും അതിനു കുറച്ച് കാശ് മാനേജർക്ക് കൊടുക്കണമെന്നും അത് കൊണ്ട് എല്ലാവരുടെയും ഭാഗമുള്ള സീതത്തോടിലെ രണ്ടര ഏക്കർ വിറ്റാലോ എന്നും പറഞ്ഞു രാവിലെ ചിറ്റ അമ്മയെ വിളിച്ചു.

അച്ഛനോട് ഇക്കാര്യം അവതരിപ്പിക്കുന്നതിന് എൻ്റെയും കൂടെ സഹായം അമ്മ ആവശ്യപ്പെട്ടു. പതിവ് പോലെ വൈകി എത്തിയ അച്ഛനോട് അത്താഴ സമയത്തു അമ്മ കാര്യം അവതരിപ്പിച്ചു.

“പത്തിരുപത്തഞ്ചു ഷീറ്റ് കിട്ടുന്ന സ്ഥലമാ അത് വിറ്റ് കഴിഞ്ഞാൽ പിന്നെ എന്നാ എടുത്തു ജീവിക്കും”. പ്രതീക്ഷിച്ച പോലെ അച്ഛൻ  ദേഷ്യപ്പെട്ടു. “അവൾക്ക് രണ്ട് പെണ്മക്കൾ അല്ലെ,ഇവിടുത്തെ കുറച്ചു റബ്ബർ പോരെ നമുക്ക് ജീവിക്കാൻ”, അമ്മ പറഞ്ഞു.

“നമുക്ക് ഇത് മതി അച്ഛാ..എനിക്ക് എന്തേലും  ജോലി കിട്ടുമല്ലോ”. ഞാൻ അമ്മയെ പിന്താങ്ങി. നേരത്തെ കൊടുത്ത വീട്ടാക്കടങ്ങളുടെ കണക്കും പഴയ മാല വള കഥകളും പറഞ്ഞു അച്ഛൻ അത്താഴം കഴിച്ചു എഴുന്നേറ്റു..

രാവിലെ ഞാൻ  എണീറ്റു വരുമ്പോൾ അച്ഛൻ പത്രം വായിച്ചു കൊണ്ടിരിക്കുകയാണ്. എന്നെ കണ്ടപ്പോൾ  അച്ഛൻ പറഞ്ഞു.”മറ്റേ പറമ്പിൻ്റെ കാര്യം നിങ്ങൾ പറയും പോലെ ചെയ്തോ..പിന്നെ, നാളെ നമുക്ക് ഒന്നുമില്ല എന്ന് പറയരുത്.”

സാരമില്ല അച്ഛാ എന്ന് പറഞ്ഞു അടുക്കളയിൽ ചെന്ന് അമ്മയോട് കാര്യങ്ങൾ അവതരിപ്പിച്ചു  നില്ക്കുമ്പോൾ പുറത്തു ആരോ അച്ഛനോട് സംസാരിക്കുന്നത് കേട്ടു.

“എടി.. നമ്മുടെ ഹരിയും അഗസ്റ്റിനുമാ, നാളെ രണ്ട് പൊതിച്ചോറ് കൊടുക്കണം.” അച്ഛൻ അകത്തേക്ക് വിളിച്ചു പറഞ്ഞു.”നാലെണ്ണം കൊടുത്തേക്കാം ചേട്ടാ..പിള്ളേർക്ക് മെഡിക്കൽ കോളേജിൽ കൊടുക്കാനല്ലേ.” അത് പറഞ്ഞു അമ്മ എനിക്ക് ചായ നീട്ടി.

കമ്മ്യൂണിസ്റ്റ് ആശയം കേരളത്തിൽ വേരോടിയ സമയത്തു അതിൽ ആകൃഷ്ടനായി പാർട്ടി പ്രവർത്തനം തുടങ്ങിയതാണ് അച്ഛൻ. ഇ.എം.എസ്.ൻ്റെയും എ.കെ.ജി.യുടെയും നായനാരുടെയും പ്രസംഗങ്ങൾ കേട്ടും, മാർക്സിനെയും ഏംഗൽസിനെയും മാവോയെയും ഒക്കെ വായിച്ചും പ്രത്യയശാസ്ത്രം മനസ്സിലാക്കിയ അച്ഛൻ ഇന്നും പാർട്ടിയുടെ ബ്രാഞ്ച് കമ്മിറ്റിയിൽ പ്രവർത്തിക്കുന്നു.

“എടാ.. ആ പിള്ളേര് നിന്നെ നോക്കി നിൽക്കുകയല്ലേ.നീ അവരുടെ കൂടെ പോകുന്നില്ലേ? അമ്മയുടെ ചോദ്യം എൻ്റെ ചിന്തകൾക്ക് അല്പവിരാമമിട്ടു.
ചായ കുടിച്ചു തീർത്തു ഉമ്മറത്തേക്കെത്തുമ്പോൾ പിറകെ  അമ്മയുടെ അടുത്ത ശാസനം വന്നു.”ചോറുണ്ണാൻ സമയത്ത് വീട്ടിലെത്തണം .”

കൂട്ടുകാർക്കൊപ്പം വഴിലേക്കിറങ്ങുമ്പോൾ ഒരു ചെറു ചിരിയോടെ ഞാൻ ഓർത്തുപോയി. “പ്രത്യയശാസ്‌ത്രം പഠിച്ച അച്ഛനാണോ ഇതൊന്നും പഠിക്കാതെ ഇലക്ഷന്  പാർട്ടിക്ക് കുത്തണമെന്ന് മാത്രം അറിയുന്ന അമ്മയാണോ യഥാർഥ കമ്മ്യൂണിസ്റ്റ്?”

GREG RAKOZY xxxx xxxxx

Leave a Reply

You May Also Like
Read More

എസ്ബിഐ വായ്പകളുടെ തിരിച്ചടവുകൾക്ക് മൊറട്ടോറിയം

കോവിഡ്-19 എന്ന മഹാമാരി മൂലം വ്യക്തികൾക്കും കച്ചവടസ്ഥാപനങ്ങൾക്കും ഉണ്ടാകുന്ന വരുമാന നഷ്ടത്തിലൂടെ ഒരു വൻ സാമ്പത്തിക പ്രതിസന്ധിയാണ് സൃഷ്ടിക്കപ്പെട്ടിരിക്കുന്നത്. ഇക്കാര്യം കണക്കിലെടുത്തുകൊണ്ട് ഇക്കൂട്ടർക്ക് ഒരു…
Read More

ചുവപ്പ്

ചിലപ്പോഴെങ്കിലും നിൻ്റെ ഓർമ്മകൾഎന്നെ തിരയാറുണ്ടോ? മഴ പെയ്യുന്ന രാത്രികളിൽഅരിച്ചിറങ്ങുന്ന തണുപ്പിനോടൊപ്പംഎൻ്റെ ഓർമ്മകളും നിന്നെ വേട്ടയാടാറുണ്ടോ? എൻ്റെ ശരീരത്തിൽ ആഴ്ന്നിറങ്ങിയ നിൻ്റെ നഖങ്ങൾക്കടിയിൽ ഇപ്പോഴും എൻ്റെ…
Read More

സന്ദർശനം

വെയിൽ കത്തിയാളുമൊരുച്ചനേരത്ത്ആരോ മറന്നിട്ട നാട പോലെ അനാഥമായൊരുപഴയ സ്റ്റേഷനിൽനിന്നെ കാണാനായി, അതിനായ് മാത്രം..ഞാൻ തീവണ്ടിയിറങ്ങുന്നത്ഉണർവിലെന്ന പോലത്രമേൽ വ്യക്തമായ്പുലരിയെത്തുന്നേരമെവിടെ നിന്നോ വന്നസ്വപ്നത്തിനൊടുവിൽ ഇന്നലെ കണ്ടു.. നീ…
Read More

കർമയോഗി

ജീവിതത്തിലെയും പ്രവര്‍ത്തനമേഖലയിലെയും പ്രതികൂലസാഹചര്യങ്ങളെ ചെറുത്ത്, ഭാരതത്തിൻ്റെ മര്‍മസ്ഥാനങ്ങളെ ബന്ധിപ്പിക്കുന്ന മെട്രോ റെയിലുകളുടെയും കൊങ്കണ്‍ റെയില്‍പാതയുടെയും നിര്‍മാണത്തിലൂടെ ഇന്ത്യയുടെ മെട്രോമാനായി മാറിയ ഇ.ശ്രീധരന്‍ എന്ന തളരാത്ത…
Read More

മഴ

“കാറ്റിൻ്റെ അകമ്പടിയോടെ കാലം തൻ്റെ ഓർമ്മകളെ മണ്ണിലേക്കു കുടഞ്ഞിട്ടു. പളുങ്കു മണികൾ ചിതറും പോലെ ആ ഓർമ്മകൾ മണ്ണിൻ്റെ മാറിൽ ചിതറിത്തെറിച്ചു വീണു. കാലം…
Read More

പഴഞ്ചൊൽ കഥകൾ

ഇന്ന് സന്ദർഭാനുസരണം പ്രയോഗിക്കുന്ന പഴഞ്ചൊല്ലുകൾ ഒരുകാലത്ത് അതേ ജീവിത സന്ദർഭത്തിൽത്തന്നെ പിറന്നതായിരക്കണമെന്നില്ല. കാലത്തിൻ്റെ മാറ്റത്തിനനുസരിച്ച് ഒരു ചൊല്ലിൻ്റെ പിറവിക്കു പിന്നിൽ ഒരു സന്ദർഭമോ സംഭവമോ…
Read More

ബസണ്ണയുടെ നിരാശകൾ

ഒരു സ്ഥിരം വെള്ളിയാഴ്ച സഭയിൽ വച്ചു വളരെ പെട്ടെന്നാണ് ബസണ്ണയുടെ മൂഡ് മാറിയത്. വിനീത്, തൻ്റെ അപ്പൻ കാശ് മാത്രം നോക്കി ഏതോ കല്യാണത്തിന്…
Read More

വിസ്‌മൃതിയിൽ നിലാവ് പെയ്യുമ്പോൾ

വിസ്മൃതിയിലെങ്ങോ നിലാവു പെയ്തൊഴിയവേ.. നിൻ്റെ തീരങ്ങളിൽ ഇളവേൽക്കുവാൻ വന്ന ഒരു മേഘശകലമായ് ഒഴുകിയിരുന്നു ഞാൻ. ഇരുൾ മാഞ്ഞു മെല്ലെ തെളിയുന്ന മാനം പോൽ മറവി…
Read More

പാഠം ഒന്ന്

‘ഉയരെ ‘ സിനിമ അല്പം വൈകിയിട്ടായാലും കണ്ടതിൻ്റെ ആവേശത്തിൽ സ്ത്രീപക്ഷപരമായ ഒരു ഫേസ്ബുക്ക് പോസ്റ്റ്‌ ഇടാനായി വാക്കുകളുമായി മല്പിടിത്തം നടത്തികൊണ്ടിരിക്കുമ്പോഴാണ്  അല്പം  വിഷണ്ണനായിട്ടിരിക്കുന്ന അഞ്ചാം…
Read More

നോവ്

“തിരമാലകളാൽ തീരത്തേക്ക് ഉപേക്ഷിക്കപ്പെട്ട ശംഖ് കണ്ണാടിക്കൂട്ടിൽ സ്ഥാനമുറപ്പിച്ചിട്ടേറെ നാളായിട്ടും, കാതോരം ചേർക്കുമ്പോൾ അതിനുള്ളിൽ നിന്നുമുയർന്നത് കടലാഴങ്ങളുടെ നേർത്ത അലയടി മാത്രമായിരുന്നു… “ ശുഭം നിങ്ങൾക്കും…
Read More

വേരുകൾ

എൻ്റെ വേരുകൾ തേടിയുള്ള യാത്ര…. അധികമാരും തന്നെ പോകാത്ത വഴികളിലൂടെയാണ് എൻ്റെ യാത്ര എന്നെനിക്ക് പലപ്പോഴും തോന്നാറുണ്ട്, അതുകൊണ്ടാവാം വളരെ കുറച്ചു സഹയാത്രികർ മാത്രേമേയുള്ളു..…
Read More

തിരികെ

അക്ഷരങ്ങൾ കൊണ്ട് മനസ്സിൽ ദൃശ്യജാലം തീർക്കുന്ന, തികച്ചും വ്യത്യസ്തമായ പത്ത്  കഥകൾ അടങ്ങിയ കഥാസമാഹാരമാണ് സായ്‌റ എഴുതിയ ‘തിരികെ’ . ‘തിരികെ’യിൽ എറ്റവും ചർച്ച…
Read More

മഷി

പുസ്തകം ചോദിച്ചു :  “എന്തിനാണ് നീയെന്നെ കോറി വേദനിപ്പിക്കുന്നത്…? പേന പറഞ്ഞു : “ശൂന്യമായ നിന്നിലേക്ക് ഞാനെൻ്റെ പ്രാണനെയാണ് നിറയ്ക്കുന്നത്, ഒടുവിലത് നിലയ്ക്കുമ്പോൾ ഞാൻ…
Read More

ഒരിക്കലെങ്കിലും

ഒരിക്കലെങ്കിലും തിരിച്ചു പോകണം വെയിൽ ചായുന്ന നേരത്ത് മുളങ്കാടുകൾ പാട്ടു പാടുന്ന മയിലുകൾ പറന്നിറങ്ങുന്ന നാട്ടുവഴികളിലേക്ക് കൊയിത്തൊഴിഞ്ഞ  പാടങ്ങളിൽ കരിമ്പനത്തലപ്പുകളുടെ നിഴലുകൾ ചിത്രം വരയ്ക്കുന്നത്…
Read More

മനപ്രയാസം

‘പൊരിഞ്ഞ വെയിലിൽ,  ഇരു കാലുമില്ലാതെ ലോട്ടറി വിൽക്കുമ്പോഴും അയാളിൽ ചിരി നിറഞ്ഞു നിന്നു. എങ്ങനെ സാധിക്കുന്നുവെന്ന് ആരാഞ്ഞപ്പോൾ, “കോടികളുടെ ബിസിനസ്സിനിടയിൽ എന്ത് മനപ്രയാസം…..” എന്ന്…