Affiliate Disclosure: Some of the links or advertisements below are affiliate links or advertisements, meaning, at no additional cost to you. We will earn a commission, if you click through and make a purchase. Thank you 🙂

 

‘ഉയരെ ‘ സിനിമ അല്പം വൈകിയിട്ടായാലും കണ്ടതിൻ്റെ ആവേശത്തിൽ സ്ത്രീപക്ഷപരമായ ഒരു ഫേസ്ബുക്ക് പോസ്റ്റ്‌ ഇടാനായി വാക്കുകളുമായി മല്പിടിത്തം നടത്തികൊണ്ടിരിക്കുമ്പോഴാണ്  അല്പം  വിഷണ്ണനായിട്ടിരിക്കുന്ന അഞ്ചാം ക്ലാസ്സുകാരൻ മകൻ്റെ മുഖം  ശ്രദ്ധയിൽ പെട്ടത്. കാര്യം തിരക്കി .  ഇ വി എസ് പരീക്ഷയിലെ ഒരു ചോദ്യത്തിന് ഉത്തരം  എഴുതാൻ കഴിഞ്ഞില്ല. അതാണ് കാര്യം.

“ചോദ്യം ഏതായിരുന്നെടാ? “. മൊബൈൽ മാറ്റിവച്ചു കാര്യം തിരക്കി.

എവറസ്റ്റ് കൊടുമുടി കീഴടക്കിയ ആദ്യത്തെ ഇന്ത്യൻ വനിത ആരാണ്?

‘ബച്ചേന്ദ്രി പാൽ അല്ലെ? ‘ ഉത്തരം ഗൂഗിൾ സഹായമില്ലാതെ തന്നെ പറഞ്ഞു കൊടുക്കാൻ കഴിഞ്ഞതിൻ്റെ അഭിമാനത്തോടെ ഞാൻ ചാടിവീണു.
പക്ഷെ അവൻ്റെ പ്രശ്നം അതല്ലായിരുന്നു.. അവന് ഉത്തരം അറിയാമായിരുന്നു.  ആ സമയത്ത് മറന്നുപോയതാണ്. ഏത് പ്രതിസന്ധിയിലും കൂടെ നിൽക്കുന്ന ഒരു അച്ഛൻ്റെ സൈക്കോളജിക്കൽ അപ്പ്രോച്ച് പുറത്തെടുത്തു ഞാൻ അവൻ്റെ തോളിൽ തട്ടി പറഞ്ഞു. “പോട്ടെടാ. ഒരു ചോദ്യമല്ലേ. നിസ്സാരം!”

സ്വതവേ പെർഫെക്ഷനിസ്റ് ആയ ചെറുക്കൻ്റെ വിഷമം ദേഷ്യമായി പരിണമിച്ചു. അവൻ കലിപ്പോടെ പറഞ്ഞു, “ഈ പെണ്ണുങ്ങൾ എന്തിനാ എവറസ്റ്റ് കേറാൻ പോകുന്നത്..അടുക്കളയിൽ കഞ്ഞിയും കറിയും വച്ചിരുന്നാൽ പോരെ?”

ഓഫിസിലും സുഹൃത്തുക്കൾക്കിടയിലും സ്ത്രീപക്ഷവാദം  നടത്തുന്ന,  പുരോഗമനവാദിഎന്ന് സ്വകാര്യമായും പരസ്യമായും അഹങ്കരിക്കുന്ന ഞാൻ അല്പം സ്തബ്ധനായി ഇരുന്നുപോയി.

‘കുഞ്ഞുവായിൽ വന്ന വലിയ വർത്തമാനം’ ആയി ആ ഡയലോഗിനെ  തള്ളി കളയാം എന്ന് ചിന്തിച്ചെങ്കിലും അവൻ്റെ കൊച്ചുജീവിതത്തിൽ നിന്ന് അവൻ ഉൾകൊണ്ട കാഴ്ചപാട് സ്ത്രീകൾ കഞ്ഞിയും കറിയും വെച്ചു വീട്ടിലിരിക്കേണ്ടവർ മാത്രമാണ്  എന്നതാണല്ലോ എന്നാണോർത്തത്. മാത്രമല്ല, ആ ഒരു കാഴ്ചപ്പാട് രൂപീകരിക്കാൻ അറിഞ്ഞോ അറിയാതെയോ അവൻ്റെ കണ്മുന്നിൽ ഉള്ള മാതൃകയായ ഞാനും കാരണക്കാരൻ ആണല്ലോ എന്ന കുറ്റബോധവും വന്നുകൂടി.

സ്ത്രീകൾ  കൂടുതൽ അഭ്യാസങ്ങൾക്ക് പോകാതെ ഭരിക്കപ്പെടുകയും വേണ്ടിവന്നാൽ പീഡിപ്പിക്കപ്പെടുകയും ചെയ്യേണ്ടവരാണ് എന്ന ചിന്തകൾ തന്നെ ആണ് ‘ഗോവിന്ദ്’ മാരെയും ‘ഗോവിന്ദച്ചാമി’കളെയും ഭരിക്കുന്നത് . അവരെ  സൃഷ്ടിക്കുന്നതോ ഞാൻ അടക്കമുള്ള സമൂഹവും. പുരോഗമനവാദം ഫേസ്ബുക്ക് ലെയും  ഓഫീസിലെ തർക്കസദസ്സുകളിലെയും നിരർത്ഥകവാക്കുകളിൽ മാത്രം ഒതുങ്ങിയാൽ പോരാ എന്ന ചിന്ത കൊണ്ട് ഞാൻ അസ്വസ്ഥനായി.

എൻ്റെ നിശബ്ദതയുടെ അർത്ഥം മനസ്സിലാകാതെ മകൻ അടുത്ത് വന്നു കുറ്റബോധത്തോടെ പറഞ്ഞു, “ഇനി ഫുൾമാർക്ക് മേടിച്ചോളാം അച്ഛാ”. അപ്പോൾ  തീരെ ചെറിയ ഒരു കുഞ്ഞിനെ എന്ന പോലെ അവനെ ഞാൻ മടിയിൽ പിടിച്ചിരുത്തി മുടിയിൽ തലോടി. ഭാര്യ അപ്പോൾ ഓഫീസ് ജോലി  കഴിഞ്ഞു വന്ന് അടുക്കളയിൽ അത്താഴപണിയുടെ തിരക്കിലായിരുന്നു.

എൻ്റെ പുരോഗമനവാദം പൊള്ളയായ വാക്കുകളിൽ മാത്രം ഒതുങ്ങിയാതായിരുന്നല്ലോ എന്ന തിരിച്ചറിവോടെ ഒരു സ്വയം തിരുത്തലിനു തയ്യാറെടുത്ത് മകനെയും കൂട്ടി ഞാൻ അടുക്കളയിലേക്ക് നടന്നു.

GREG RAKOZY STUX

 

If you like what we do, please support us on Ko-fi..

 

1 comment

Leave a Reply

You May Also Like
Read More

ഈറൻ

ഒരുപാട് കാലത്തിനിടയിൽ കണ്ടതിൽവെച്ച് മികച്ചൊരു ഹ്രസ്വചിത്രം. ജീവിതത്തിലെ മറക്കാൻ പറ്റാത്ത ഒരു ഏട് പറിച്ചു നട്ടതു പോലെയുണ്ട്. സാഹചര്യങ്ങളിലും സംസാരത്തിലും എന്തിനു പറയണം കഥാപാത്രങ്ങളുടെ…
Read More

പ്രത്യയശാസ്ത്രങ്ങൾ

മോൾക്ക് ഒരു സ്കൂളിൽ ജോലി ശരിയാവുന്നുണ്ടെന്നും അതിനു കുറച്ച് കാശ് മാനേജർക്ക് കൊടുക്കണമെന്നും അത് കൊണ്ട് എല്ലാവരുടെയും ഭാഗമുള്ള സീതത്തോടിലെ രണ്ടര ഏക്കർ വിറ്റാലോ…
Read More

തലമോടികൾ

ഉറക്കമെണീറ്റാലന്തിവരെയെത്ര തലമോടികൾ വകഞ്ഞും ചീവിയും ചീകാതെയും നരച്ചും ചെമ്പിച്ചും കറുത്തും പിരിഞ്ഞും പിരിയാതെയും നീർത്തും തൂക്കിയും ചുരുട്ടിയും തലമോടിയെച്ചിന്തിച്ചുറക്കമില്ലാരാത്രികൾ അതിലൊരു രാത്രിയിൽ മരണം പാതിമെയ്യായ…
Read More

ചിലന്തി വലകൾ

കിടപ്പുമുറിയുടെ വാതിൽ തുറന്ന് ഭാര്യ മെല്ലെ അകത്തു കടക്കുന്നതും, കട്ടിലിനടിയിൽ നിന്ന് അധികം ഒച്ചയുണ്ടാക്കാതെ (ഭർത്താവിൻ്റെ ഉറക്കത്തെ തടസ്സപ്പെടുത്താതിരിക്കാൻ) എന്തോ വലിച്ചെടുക്കുന്നതും, എന്തെല്ലാമോ അടുക്കിവയ്ക്കുന്നതും,…
Read More

കർമയോഗി

ജീവിതത്തിലെയും പ്രവര്‍ത്തനമേഖലയിലെയും പ്രതികൂലസാഹചര്യങ്ങളെ ചെറുത്ത്, ഭാരതത്തിൻ്റെ മര്‍മസ്ഥാനങ്ങളെ ബന്ധിപ്പിക്കുന്ന മെട്രോ റെയിലുകളുടെയും കൊങ്കണ്‍ റെയില്‍പാതയുടെയും നിര്‍മാണത്തിലൂടെ ഇന്ത്യയുടെ മെട്രോമാനായി മാറിയ ഇ.ശ്രീധരന്‍ എന്ന തളരാത്ത…
Read More

ഏകാന്തത

കൂട്ടത്തിലിരുന്ന് വാക്കുകളാലുള്ള തനിച്ചാവലുകളിൽ ആനന്ദം കണ്ടെത്തിയവരിൽ പലരുമാണ് വലിയകാര്യത്തിൽ ഏകാന്തതയെ കുറിച്ച്‌ വിസ്തരിച്ചെഴുതിയതും പറഞ്ഞതും. ശുഭം നിങ്ങൾക്കും എഴുതാം..ഒരു പക്ഷേ ഇതൊരു തുടക്കമായിരിക്കാം. പണ്ടെപ്പോഴോ…
Read More

ഗൃഹാതുരത്വം

മുറ്റം നിറയെ മരങ്ങളും ചെടികളും. ചാമ്പ, വാഴ, വടുകപ്പുളി, വേപ്പ്, തുടങ്ങി പനിനീർ, നാലുമണി, പത്തുമണി, ഡാലിയ എന്നിവയാൽ നിറഞ്ഞു നിൽക്കുന്ന മുറ്റം. മുൻപിൽ…
Read More

ഓർമ്മകൾ

നിന്നിലേക്കുള്ള പാതകളാണ് ഓരോ ഓർമ്മയും. അതിൽ പലതിനും കണ്ണുനീർ നനവുണ്ട്. ചില നനവുകൾ നിന്നെ അകാലത്തിൽ നഷ്ടപെട്ടതിനെയോർത്ത്. മറ്റു ചിലത് ആ നഷ്ടത്തിലൂടെ ഉയർന്ന…
Read More

ചില നിശബ്‌ദവൈറസുകൾ

അന്ന് മാർച്ച്‌ 13 ആയിരുന്നു. ഡോമിനിക് ലാപിയറിൻ്റെ ‘സിറ്റി ഓഫ് ജോയ്’ എന്ന നോവലിൽ പ്രളയവും കോളറയും പിന്നാലെ ചുഴലിക്കാറ്റും തകർത്തെഞ്ഞിട്ടും ആനന്ദനഗരമെന്ന് പേരുള്ള…
Read More

മൗനം

“പറയുവാനേറെയുണ്ടായിട്ടും വാക്കുകൾ നിശ്ചലമായപ്പോൾ അവർക്കിടയിൽ മൗനം തിരശ്ശീലയിട്ടു. ഇരുവർക്കുമിടയിലെ മൗനം, ശബ്ദം നഷ്ടപ്പെട്ട വാദ്യം പോലെയായി. നിഴൽ വീണ വഴിയിൽ മൗനത്തിൻ്റെ അകമ്പടിയോടെ പല…
Read More

മുല്ല

വാടും മുമ്പേ കൊഴിഞ്ഞുവീണ മുല്ലപ്പൂക്കൾ.. അവസാന ഗന്ധം മണ്ണിലേക്ക് കിനിയവേ…. മണ്ണ് പറഞ്ഞു : “ഞാൻ വെറുമൊരു മണ്ണാണ്..” മുല്ലച്ചെടി ചില്ലതാഴ്ത്തി  : “എൻ്റെ…
Read More

കാർഷിക സ്വർണ്ണ പണയത്തിനുള്ള സബ്സിഡി ജൂൺ 30 വരെ മാത്രം

കാർഷിക സ്വർണ്ണ പണയത്തിന് ലഭിച്ചിരുന്ന പലിശ സബ്സിഡിയിൽ മാറ്റം വന്നിരിക്കുകയാണ്. 2019 ഡിസംബർ മാസത്തിലെ റിസർവ് ബാങ്ക് ഉത്തരവ് പ്രകാരം കാർഷിക സ്വർണ്ണ പണയം…
Read More

ചുവപ്പ്

ചിലപ്പോഴെങ്കിലും നിൻ്റെ ഓർമ്മകൾഎന്നെ തിരയാറുണ്ടോ? മഴ പെയ്യുന്ന രാത്രികളിൽഅരിച്ചിറങ്ങുന്ന തണുപ്പിനോടൊപ്പംഎൻ്റെ ഓർമ്മകളും നിന്നെ വേട്ടയാടാറുണ്ടോ? എൻ്റെ ശരീരത്തിൽ ആഴ്ന്നിറങ്ങിയ നിൻ്റെ നഖങ്ങൾക്കടിയിൽ ഇപ്പോഴും എൻ്റെ…
Read More

മനപ്രയാസം

‘പൊരിഞ്ഞ വെയിലിൽ,  ഇരു കാലുമില്ലാതെ ലോട്ടറി വിൽക്കുമ്പോഴും അയാളിൽ ചിരി നിറഞ്ഞു നിന്നു. എങ്ങനെ സാധിക്കുന്നുവെന്ന് ആരാഞ്ഞപ്പോൾ, “കോടികളുടെ ബിസിനസ്സിനിടയിൽ എന്ത് മനപ്രയാസം…..” എന്ന്…